An Innocent Man er det niande studioalbumet av den amerikanske songar-låtskrivaren Billy Joel, gjeve ut 8. august 1983. Albumet er ei hyllest til den amerikanske popmusikken Joel lytta til i tenåra, seint i 1950- og tidleg i 1960-åra, hovudsakleg doo-wop og soul. Fotografiet på plateomslaget vart teken på trappa føre 142 Mercer Street, like nord for krysset mellom Mercer og Prince Street i SoHo i New York City.

Lister Albumet inneheld tre singlar som nådde topp 10 på Billboard-lista: «Tell Her About It», som nådde toppen av lista, «Uptown Girl», som nådde tredjeplassen og «An Innocent Man», som nådde tiandeplassen. Fire andre singlar vart gjevne ut frå albumet: «The Longest Time» (14.), «Leave a Tender Moment Alone» (27.), «Keeping the Faith» (18.) og «This Night» (amerikansk B-side for «Leave a Tender Moment Alone»). «Tell Her About It» og «Uptown Girl» fekk internasjonal suksess — «Uptown Girl» nådde toppen av singellista i Storbritannia, Australia og New Zealand. An Innocent Man låg på den amerikanske albumlista i 111 veker, og vart det Joel-albumet som låg lengst inne på lista, etter The Stranger. I over eitt år låg albumet òg på listene i Storbritannia, Japan og Australia.

Prisar Som dei tre førre albuma hans, vart Joel nominert til Grammyprisen for årets album, men tapte for Michael Jackson sitt Thriller. Joel var òg nominert for beste popsong med «Uptown Girl», men Jackson vann den kategorien òg.

Bakgrunn I eit intervju om innspelinga av albumet snakka Joel om at han var nyskilt frå den første kona, Elizabeth Weber, då han spelte inn dette albumet, og singel for første gong sidan han var blitt rockestjerne. Han hadde derfor høve til å gå på date med supermodellar som Elle Macpherson og Christie Brinkley, og på grunn av dette følte han seg igjen som ein tenåring. Han starta derfor å skrive desse songane i popstilen han hugsa frå tenåra sine.

Joel forklarte «Når du skal skrive [songar for eit nytt album], skriv du det du føler. Og eg kjempa ikkje i mot. Songane kom så raskt og lett, og eg hadde det så moro å skrive dei. Eg levde på ein måte opp att ungdomen min... eg trur eg hadde skrive alle songane for albumet i løpet av ein seks vekers periode.» Joel sa òg at han vart positivt overraska over at retrosongar som «The Longest Time» kunne bli ein hit i 1980-åra.

Innhald Billy Joel, utanom refrenget på «This Night», som er tilskriven Beethoven.

Innhaldet på vinylplata er litt forskjellig frå kassett- og den originale CD-utgåva, der «The Longest Time» og «Uptown Girl» har byta plass.

LP-versjonen

Medverkande Billy Joel - piano (SF-10), Fender Rhodes, Hammond B3 organ, vokal, korvokal Liberty DeVitto - trommer Doug Stegmeyer - bass David Brown - elektrisk gitar, akustisk gitar, sologitar Russell Javors - elektrisk gitar, akustisk gitar, rytmegitar Mark Rivera - altsaksofon, tenorsaksofon, perkusjon Ralph MacDonald - perkusjon on «Leave a Tender Moment Alone» og «Careless Talk» Leon Pendarvis - Hammond B3 organ på «Easy Money» Richard Tee - akustisk piano på «Tell Her About It» Eric Gale - elektrisk gitar på «Easy Money» «String Fever» - strykarar Ronnie Cuber - barytonsaksofon på «Easy Money», «Careless Talk», «Tell Her About It» og «Keeping the Faith» Jon Faddis - trompet på «Easy Money» David Sanborn - altsaksofon på «Easy Money» Joe Shepley - trompet på «Easy Money», «Careless Talk», «Tell Her About It» og «Keeping the Faith» Michael Brecker - tenor saksofon på «Careless Talk», «Tell Her About It» og «Keeping the Faith» John Gatchell - trompet på «Careless Talk», «Tell Her About It» og «Keeping the Faith» Tom Bahler - korvokal Rory Dodd - korvokal Frank Floyd - korvokal Lani Groves - korvokal Ullanda McCullough - korvokal Ron Taylor - korvokal Terry Textor - korvokal Eric Troyer - korvokal Mike Alexander - korvokal

Soloar «Toots» Thielemans - munnspel på «Leave a Tender Moment Alone» Mark Rivera - altsaksofon på «Keeping the Faith», «This Night» og «Christie Lee»

Produksjon Produsent: Phil Ramone Lydteknikarar: Jim Boyer, Bradshaw Leigh Assisterande lydteknikarar: Mike Allaire, Scott James Produksjonskoordinator: Laura Loncteaux Mastering: Ted Jensen Horn- og strykearrangement: David Matthews Korvokalarrangement: Tom Bahler Musikalsk rådgjevar: Billy Zampino Fotografi: Gilles Larrain Plateomslag: Christopher Austopchuk, Mark Larson Innspelt ved Chelsea Sound og A & R Recording, Inc., New York, NY Miksa ved A & R Recording, Inc., New York, NY Mastra ved Sterling Sound, New York, NY

Lister Liste (1983–85)PlasseringAustralian Kent Music Report Albums Chart3Canadian RPM Albums ChartLibrary and Archives Canada. Henta 29. august 201412Nederland14Frankrike 11Japan3New Zealand 1Noreg9Sverige39UK Albums Chart 2USA Billboard 200[ Allmusic - An Innocent Man > Charts & Awards > Billboard Albums]4Vest-Tyskland 36

Kjelder

Denne artikkelen bygger på «An Innocent Man» frå , den 30. august 2014. oppgav desse kjeldene:

Kategori:Billy Joel-album Kategori:Musikkalbum frå 1983 Kategori:Album produserte av Phil Ramone Kategori:Columbia Records-album Kategori:Konseptalbum Kategori:Engelskspråklege album Kategori:Mobile Fidelity Sound Lab-album Kategori:Nummer-ein-album i New Zealand