Rodion Gataullin () er ein tidlegare friidrettsutøvar fødd i Tasjkent i dåverande Sovjetunionen, i dag Usbekistan. Han tevla i stavhopp og representerte fyrst Sovjetunionen, seinare Russland. Gataullin vart europameister i 1990 og 1994, dessutan tok han OL-sølv i 1988 og VM-bronse i 1987. Hans personlege rekord er 6,00 meter, innandørs presterte han 6,02 m. Gataullin var den andre stavhopparen som svinga seg over seksmeters-lekta, etter Serhij Bubka.

Aktiv Gataullin vart junioreuropameister i stavhopp 1983 og vann øvinga i universiaden i 1985. Under VM i friidrett 1987 fekk han bronsemedaljen, der landslagskollega Serhij Bubka vann og franske Thierry Vigneron tok sølvet på same høgda som Gataullin. Vinteren 1988 vart Gataullin europameister innandørs med 5,75 m.

I sin olympiske debut i 1988 stoppa han etter ha nådd 5,85 m og sølvplass, saman med olympiameister Bubka og bronsevinnar Gregorij Jegorov sørgde han for at alle medaljane i stavhopp hamna i dåverande Sovjetunionen.

Gataullin vart i 1990 europameister i stavhopp framom nemnde Jegorov. Fire år seinare forsvarte han EM-tittelen på framifrå vis. Under meisterskapen i Helsingfors svinga han seg over heile seks meter, også då hadde han sterkast konkurranse frå ein landsmann, Igor Trandenkov tok sølvet med 5,90 m i sluttprotokollen.

Medaljar og plasseringar i internasjonale meisterskap VM 1987 i Roma: Bronsemedalje – 5,80 m, bakom Thierry Vigneron (5,80 m) OL 1988 i Seoul: Sølvmedalje – 5,85 m, bakom Serhij Bubka (5,90 m) EM 1990 i Split: Gullmedalje – 5,85 m, framom Grigorij Jegorov (5,75 m) VM 1991 i Tokyo: Nr 4 – 5,85 m EM 1994 i Helsingfors: Gullmedalje – 6,00 m, framom Igor Trandenkov (5,90 m) VM 1995 i Göteborg: Nr 5 – 5,70 m

Kjelder Denne artikkelen bygger på «Rodion Gataullin» frå , den 4. september 2014.

World Athletics

Kategori:Sovjetiske stavhopparar Kategori:Russiske stavhopparar Kategori:Olympiske sølvmedaljevinnarar for Sovjetunionen Kategori:Medaljevinnarar under sommar-OL 1988 Kategori:Sovjetiske deltakarar under sommar-OL 1988 Kategori:Friidrettsutøvarar under sommar-OL 1988