Aslaug Fredriksen, fødd Aslaug Anfindsen (), var ein norsk politikar frå Vestnes i Møre og Romsdal. Ho representerte Møre og Romsdal og Kristeleg Folkeparti på Stortinget frå 1977 til 1985.
Fredriksen var husmor, busett på Sunndalsøra på Nordmøre. Frå 1950-åra engasjerte ho seg i organisasjonslivet i Sunndal kommune. Perioden 1967-77 var ho medlem av kommunestyret i Sunndal.
Hausten 1977 gjorde Kristeleg Folkeparti eit godt stortingsval i Møre og Romsdal, og Fredriksen fekk tingplass med knapp margin. På Tinget hamna ho i Sjøfarts- og fiskerikomiteen. Fire år seinare vart ho attvald. I si andre og siste tingperiode var ho med i Sosialkomitéen, dei to siste sesjonane var ho sekretær i komiteen.
Kjelder
Kategori:Stortingsrepresentantar 1977-1981 Kategori:Stortingsrepresentantar 1981-1985 Kategori:Stortingsrepresentantar frå KrF Kategori:Stortingsrepresentantar for Møre og Romsdal Kategori:Lokalpolitikarar i Sunndal Kategori:KrF-politikarar i Møre og Romsdal Kategori:Folk frå Vestnes Kategori:Folk frå Sunndal