«Jambalaya (On the Bayou)» er ein song skriven og spelt inn av den amerikanske countryartisten Hank Williams og først gjeven ut i juli 1952. Han er kalla opp etter matretten jambalaya frå creolsk og cajunmat og har sidan blitt spelt inn av mange andre artistar.
Forfattarskap Melodien er basert på Cajun-songen «Grand Texas», men somme kjelder, som Allmusic, hevdar songen vart skriven av Williams i lag med Moon Mullican, der Mullican ikkje er tilskriven songen, men likevel får honorar.
Songen kom ut i juli 1952 og stod då med Williams som einaste låtskrivar. Songen nådde toppen av country-lista i USA, der han låg heile fjorten veker på rad. «Jambalaya» er i dag ein av dei mest populære songane til Hank Williams.
Cajun-røter Sidan originalmelodien av songen var frå ein fransk cajun-song kalla «Grand Texas», er songen ein viktig song i cajun-kultur. Sjølv om Williams endra teksten, heldt han temaet til Louisiana. Etter Williams gav ut sin versjon, spelte cajun-folk inn songen igjen med cajun-instrument. Dei nytta då teksten til Williams omsett til cajun-fransk. Slike versjonar er mellom anna framført av Aldus Roger og Jo-El Sonnier.
Lister
Liste (1952)PlasseringU.S. Billboard Hot Country Singlar1U.S. Billboard Most Played By Jukeboxes20
Andre versjonar
Ein versjon spelt inn av Jo Stafford i 1952 nådde tredjeplassen på Billboard pop-lista (og gjorde songen kjend for andre enn countryfans). Mitch Miller hadde opphavleg tenkt å la Jimmy Boyd spele inn «Jambalaya» for Columbia Records. Boyd avviste songen og Miller spelte han inn med Jo Stafford. Fleire år seinare spelte Jimmy Boyd inn songen for Dot Records. Han var vidare popularisert i ein rock and roll-versjon av Fats Domino.
The Carpenters spelte inn songen i 1973 for albumet Now & Then. Deira versjon vart gjeven ut som singel utafor USA i 1974 og gjorde det godt i Storbritannia, der han nådde 12. plassen på singellista,Carpenters UK chart history, The Official Charts Company. Henta 20. mars 2012. og Japan.
Andre artistar som har spelt inn songen er mellom andre The Meters, Jerry Lee Lewis, Jimmy C. Newman, Leon Russell, Charley Pride, Jimmy Buffett, Jeff Healey i 2008 på albumet Mess of Blues, Emmylou Harris i 1976 på albumet Elite Hotel, Moon Mullican, John Fogerty (som nådde 16. plass på singellista i 1973 under namnet The Blue Ridge Rangers), The Muppets, Gerry and the Pacemakers, Brenda Lee, Harry Connick jr., Lucinda Williams, Nitty Gritty Dirt Band (som nådde 84. plassen på singellista i 1972), Billy «Crash» Craddock, George Jones, Leo Kottke, Wes Paul, Dolly Parton, Roomful of Blues, Andy Kaufman, Professor Longhair, Shocking Blue, Freddy Fender, The White Stripes, Tab Benoit og Tommy Funderburk (i filmen Steel Magnolias), Van Morrison og Linda Gail Lewis i 2000 på albumet You Win Again, Garth Brooks og Doug Kershaw og The Residents.
Songen er òg spelt inn på mange andre språk, som kinesisk, nederlands, fransk, italiensk, polsk, tysk, spansk og estisk.
Kjelder
Denne artikkelen bygger på «Jambalaya (On the Bayou)» frå , den 5. februar 2015. oppgav desse kjeldene:
Bakgrunnsstoff Excerpt of Brenda Lee singing «Jambalaya", 9. april 1960 on Ozark Jubilee
Kategori:Songar skrivne av Hank Williams Kategori:Songar frå 1952 Kategori:Singlar frå 1974 Kategori:Hank Williams-songar Kategori:Songar om New Orleans Kategori:John Fogerty-songar Kategori:Jo Stafford-songar Kategori:Nitty Gritty Dirt Band-songar Kategori:The Meters-songar Kategori:Jerry Lee Lewis-songar Kategori:Charley Pride-songar Kategori:Jimmy Buffett-songar Kategori:Jeff Healey-songar Kategori:Emmylou Harris-songar Kategori:Brenda Lee-songar Kategori:Harry Connick jr.-songar Kategori:Lucinda Williams-songar Kategori:George Jones-songar Kategori:Dolly Parton-songar Kategori:Shocking Blue-songar Kategori:Freddy Fender-songar Kategori:The White Stripes-songar Kategori:Van Morrison-songar Kategori:Garth Brooks-songar Kategori:Grammy Hall of Fame Award Kategori:MGM Records-singlar Kategori:Carpenters-songar Kategori:Fats Domino-songar Kategori:The Ventures-songar Kategori:Gerry and the Pacemakers-songar