Sde Nahum (hebraisk שְׂדֵה נַחוּם, lit. Nahumsletta) er ein kibbutz i Beit She'an-dalen nord i Israel. Han ligg kring 4 km nordvest for Beit She'an og høyrer til Emeq ha-Ma'ajanot regionale kommune. I 2005 hadde kibbutzen eit folketal på kring 550 innbyggjarar fordelt på 50 familiar.
Historie Kibbutzen vart grunnlagd 5. januar 1937 av medlemmar frå Sadeh-gruppa frå Mikveh Israel jordbruksskule, i tillegg til emigrantar frå Austerrike, Tyskland og Polen. Det var den tredje kibbutzen som vart oppretta som ei tårn og palisade-busetjing. Opphavleg vart han kalla kibbutz HaSadeh, men vart seinare kalla opp etter Nahum Sokolov, ein sionist-forfattar.
Ein har funne ruinar av ei bysantinsk kyrkje frå 400- til 500-talet i kibbutzen.
Kjelder
Denne artikkelen bygger på «Sde Nahum» frå , den 14. februar 2015. oppgav desse kjeldene:
Bakgrunnsstoff Offisiell nettstad
Kategori:Kibbutzar Kategori:Busetnader grunnlagde i 1937 Kategori:Arkeologiske stader i Israel Kategori:Busetnader i Det nordlege distriktet i Israel