Odd Einar Dørum

Odd Einar Dørum () i Oslo er ein norsk politikar for Venstre. Han har vore leiar av Venstre i to periodar, samferdsleminister og justisminister.

Dørum er utdanna sosionom frå Sosialhøgskulen i Trondheim (1970). Han var nestleiar (1964-65) og leiar i Unge Venstre (1970-72). 1967-71 og 1976-77 sat han i Trondheim bystyre. I 1977 vart han vald inn på Stortinget frå Sør-Trøndelag. I 1982 vart han leiar av Venstre. Ved Stortingsvalet 1985 gjekk Venstre til val på eit samarbeid med Arbeidarpartiet, men valresultatet vart at Venstre fall ut av Stortinget. I 1986 gjekk Dørum av som partileiar.

I 1992 kom han tilbake og sat som partileiar til 1996, og var soleis partileiar då Venstre kom attende på Stortinget i 1993. I 1996 vart han utfordra til partileiarvervet av Lars Sponheim, og valde å trekkja seg. I 1997 vart Dørum vald inn på Stortinget frå Oslo, og vart gjenvald i 2001 og 2005. I perioden 2005-2009 sat han i Kyrkje- utdannings- og forskningskomiteen på Stortinget.

Regjering I Sentrumsregjeringa var han statsråd i to ulike departement: samferdsleminister 1997-99 justisminister 1999-2000. I den andre Bondevik-regjeringa var han på nytt justisminister frå 2001-2005.

Heider I 2004 opna Slottet for at statsrådar etter 4 års tenestetid kan verta tildelt St. Olavs Orden. Odd Einar Dørum vart då kommandør av St. Olavs Orden.

Kategori:Norske samferdsleministrar Kategori:Norske justisministrar Kategori:Statsrådar i Regjeringa Bondevik I Kategori:Statsrådar i Regjeringa Bondevik II Kategori:Venstrestatsrådar Kategori:Leiarar for Venstre Kategori:Stortingsrepresentantar 1977-1981 Kategori:Stortingsrepresentantar 1997-2001 Kategori:Stortingsrepresentantar 2001-2005 Kategori:Stortingsrepresentantar 2005-2009 Kategori:Stortingsrepresentantar for Sør-Trøndelag Kategori:Stortingsrepresentantar for Oslo Kategori:Stortingsrepresentantar frå Venstre Kategori:St. Olavs Orden Kategori:Politikarar frå Oslo