Antje Harvey, tidlegare Antje Misersky, () er ein tidlegare tysk langrennar og skiskyttar frå Magdeburg som vart olympisk meister på 15 km skiskyting i 1992 og verdsmeister med Tyskland sitt stafettlag i 1995. Ho vann ytterlegare fire internasjonale medaljar, ei av dei i langrenn.
Langrenn Antje Misersky tok til som langrennsløpar. 17 år gammal var med ho med på det austtyske laget som tok bronsemedaljen på 4 x 5 km stafett under Ski-VM 1985 i Seefeld. Far hennar var då austtysk langrennstrenar, men etter at han nekta å gje dottera steroidar vart både han og ho pressa til å slutte.
Skiskyting I 1989 byrja Misersky med skiskyting. To år seinare deltok ho for Tyskland då det vart stafettbronse i VM i skiskyting 1991 i Lahti. Deretter vann ho gullmedaljen på 15 km under Vinter-OL 1992 i Albertville. Ho fylgde opp suksessen med sølvmedaljar både på 7,5 km og på 4 x 7,5 km stafett.
Under vinterleikane 1994 på Lillehammer vart det eit nytt stafettsølv på henne og Tyskland, året etter gjekk ho på laget som sigra på VM-stafetten i Antholz. Dei andre på laget var Uschi Disl, Simone Greiner-Petter og ankerkvinna Petra Behle.
Utvandring og pris Misersky gifta seg i 1993 med ein USA-amerikanar. Ho utvandra til USA i 1995 og busette seg i delstaten Utah. I 2005 vart ho tildelt Heidi-Krieger-medaljen, for å ha nekta å delta i den systematiserte dopinga av idrettsutøvarar i DDR-staten.
Kjelder Sportsboken, aktuelle årgangar Denne artikkelen bygger på «Antje Harvey» frå , den 8. mars 2015.
Bakgrunnsstoff
Kategori:Tyske skiskyttarar Kategori:Tyske langrennsløparar Kategori:Austtyske idrettsutøvarar Kategori:Verdsmeistrar i skiskyting Kategori:Olympiske meistrar for Tyskland Kategori:Olympiske sølvmedaljevinnarar for Tyskland Kategori:Medaljevinnarar under vinter-OL 1992 Kategori:Tyske deltakarar under vinter-OL 1992 Kategori:Skiskyttarar under vinter-OL 1992 Kategori:Medaljevinnarar under vinter-OL 1994 Kategori:Tyske deltakarar under vinter-OL 1994 Kategori:Skiskyttarar under vinter-OL 1994 Kategori:Deltakarar under Ski-VM 1985 Kategori:Deltakarar under VM i skiskyting 1991 Kategori:Deltakarar under VM i skiskyting 1993 Kategori:Deltakarar under VM i skiskyting 1994 Kategori:Deltakarar under VM i skiskyting 1995