Guernsey (fransk Bailliage de Guernesey) er ei øy i Den engelske kanalen utanfor kysten av Normandie i Frankrike. Saman med øyane Alderney, Sark, Herm og fleire småøyer utgjer ho den britiske kroneigedomen Bailiwick of Guernsey. Saman med Jersey utgjer desse øyane øygruppa Kanaløyane.
Kroneigedomen utgjer i tillegg til sjølve øya Guernsey òg Alderney, Herm, Jethou, Brecqhou, Burhou, Lihou, Sark og andre småøyar. Sjølv om Storbritannia har ansvaret for å forsvare øyane, er ikkje Bailiwick of Guernsey ein del av Storbritannia, men heller ein eigedom under krona, på same måte som Isle of Man. Guernsey er heller ikkje ein del av Den europeiske unionen. Øya Guernsey er delt inn i 10 sokn.
Namnet, Guernsey, kjem frå normannisk green(s)ey som tyder 'Den grønne øya'.
Politikk Guernsey er ein bailiwick (fogdesokn) med kong Charles III som statssjef. Kongen er representert i fogdesoknet av ein viseguvernør. Det lokale styringsorganet er States of Deliberation, som består av fogden (Bailiff), generaladvokaten, generalsakføraren, 45 valde folkerepresentantar og to representantar frå Alderney.
Regjeringa til Guernsey vert leia av ein statsminister vald av States of Deliberation.
Det er ingen politiske parti på Guernsey.
Transport Det finst hamner i sokna St Peter Port og St Sampson. Guernsey har òg to flyplassar (Guernsey Airport og Alderney Airport) og 5 km jernbane i Alderney.
Administrativ inndeling
Administrativt er øya Guernsey delt inn i ti sokn.
Castel Forest St Andrew St Martin St Peter Port St Pierre du Bois St Sampson St Saviour Torteval Vale
Kjelder
Denne artikkelen bygger på «Guernsey» frå , og «Guernsey» frå den 4. februar 2010.
Bakgrunnsstoff
Turistside This Is Guernsey - informasjon og nyhende frå Guernsey Press and Star
Kategori:Bailiwick of Guernsey Kategori:Øyar i Kanaløyane Kategori:Kroneige