Alhaji Shehu Usman Aliyu Shagari () var ein nigeriansk politikar. Han var president i Nigeria frå 1. oktober 1979 til 31. desember 1983.
Shagari vart fødd i delstaten Sokoto i det nordlege Nigeria, der han arbeidde som lærar. Han engasjerte seg i politikk, frå 1954 til 1958 var han medlem av nasjonalforsamlinga/repesentanthuset. 1958/59 arbeidde han som parlaments-sekretær for statsministeren, Tafawa Balewa. Utover i 1960- og -70-åra styrte Shagari fleire ulike departement i den nigerianske statsadministrasjonen.
mini|left|Shehu Shagari under eit statsbesøki USA i 1980.
Gjennom 1977–78 var Shagari med i forsamlinga som utarbeidde ei ny grunnlov for landet. Han var med å grunnleggje Nasjonalistpartiet (National Party of Nigeria). Ved presidentvalet i 1979 vart han vald til president i den såkalla II. republikk, og vart attvald i august 1983. Den 31. desember 1983 vart han styrta i eit nær «blodlaust» militærkupp leia av general Muhammadu Buhari. Shagari sat så i husarrest til 1986, og hadde sidan liten innverknad i nigeriansk politikk.
Kjelder
Denne artikkelen bygger på «Shehu Shagari» frå , den 21. juni 2015.
Kategori:Nigerianske presidentar