«Big Love» er ein song av Fleetwood Mac som kom ut i 1987 på albumet Tango in the Night. Songen var den første singelen som kom ut frå albumet og nådde femteplassen på singellista i USA, og niandeplassen i Storbritannia. Singelen vart òg ein hit på dance-lista i USA der han nådde sjuandeplassen.
Ein 12-tommarversjon av singelen kom med ein lengre dansemiks, med meir vokal av Stevie Nicks. 12-tommarsversjonen hadde òg med «You & I, Part II» frå Tango in the Night medan 7-tommarsversjonen hadde med «You & I, Part I», som ikkje finst på albumet. Ei avgrensa 12-tommars biletplate kom ut i Storbritannia, i tillegg til ein dobbel 7-tommarversjon med singelen «Big Love» og ein eksklusiv 7-tommar med «The Chain» som A-side.
Bakgrunn «Big Love» vart skriven av Lindsey Buckingham og vart opphavleg meint å vere ein del av det tredje soloalbumet hans, som han byrja å arbeide på i 1985. Prosjektet vart i staden omgjort til eit Fleetwood Mac-album. Songen er eit godt døme på produksjonsteknikkane som vart nytta på albumet med sin utfordrande kvinnelege og mannlege «oh - ahh»-vokal. Mange trudde at den kvinnelege «ahh»-vokalen vart sungen av Stevie Nicks, mens det i røynda er Lindsey Buckingham som syng begge. Dette vart skapt ved at stemma hans vart sampla og endra i studio for å etterlikne ei kvinnestemme.
Soloversjonen Då Buckingham slutta i Fleetwood Mac i 1987 (kort tid etter Tango in the Night kom ut), spelte aldri bandet «Big Love» på konsertane sine før han kom attende i 1997. Buckingham spelte sjølv songen i 1993 på den første soloturneen sin. Han spelte då songen akustisk og spelte songen på same viset i 1997 i lag med Fleetwood Mac. Denne utgåva kan ein høyre på konsertalbumet til Fleetwood Mac kalla The Dance. Denne finst òg på det andre volumet av filmmusikkalbumet til Cameron Crowe-filmen Elizabethtown.
Musikkvideo Den stilmessige og innovative musikkvideoen til «Big Love» kosta i følgje Mick Fleetwood ein halv million dollar - ein stor sum for ein 3:30 minuttar lang video, sjølv etter dagens standard. Videoen vart til dels filma i Kimberly Crest, ein viktoriansk herregard i Redlands i California, som ofte vert nytta til bryllaup og liknande.
Innhald 12" singel (Warner Brothers Records 0-20683) «Big Love» (Extended Remix) – 6:42 «Big Love» (House on the Hil Dub) – 3:03 «Big Love» (piano Dub) – 6:36 «You and I, Part I» – 3:09
Medverkande 1987-versjonen Lindsey Buckingham – gitar, trommeprogrammering, vokal John McVie – bassgitar Christine McVie – klaverinstrument, synthesizer Mick Fleetwood – trommer Stevie Nicks var ikkje med på innspelinga av originalinnspelinga, men syng på den lengre 12"-versjonen av songen og er med i videoen.
Andre versjonar «Big Love» er òg spelt inn av den kanadiske elektronikaartisten CFCF på debutalbumet Continent. Continent at Discogs. Henta 22. februar 2011
Danny Cavanagh spelte ein versjon av «Big Love» på In Parallel, eit akustisk konsertalbum i lag med Anneke van Giersbergen. In Parallel at Discogs. Henta 8. mars 2011.
Flesh for Lulu spelte songen i på «Cold Flame»/«Big Love».
Jim Moray spelte ein versjon av songen i 2012 for albumet Skulk.
Lister
Listeplasseringa
Original ListePlasseringAustralian Kent Music Report16Belgia (Flandern) 8Canadian RPM Top 100 Singles12Nederland8Irish Singles Chart 8Italia59New Zealand29Sverige 14UK Singles Chart9US Billboard Hot 1005US Billboard Adult Contemporary23US Billboard Mainstream Rock2Vest-Tyskland17
Remix ListePlasseringUS Billboard Hot Dance Club Play 7US Billboard Hot Dance Maxi-Single Sales 11
Årslister Liste (1987)PlasseringCanadian RPM Top 100 Singles92US Billboard Top Pop Singlar81
Kjelder
Denne artikkelen bygger på «Big Love (Fleetwood Mac song)» frå , den 12. august 2015. oppgav desse kjeldene:
Bakgrunnsstoff
Kategori:Songar frå 1987 Kategori:Singlar frå 1987 Kategori:Fleetwood Mac-songar Kategori:Songar skrivne av Lindsey Buckingham Kategori:Songar produserte av Richard Dashut