Ein Tzurim (hebraisk skrift עֵין צוּרִים, tyder 'Klippekjelde') er ein religiøs kibbutz sør i Israel. Han ligg sør for Kiryat Malakhi og høyrer til Shafir regionale kommune, og er eit medlem av Den religiøse kibbutzrørsla. I 2007 var folketalet 1 100.
Historie Første kibbutz mini|venstre|Ein Tzurim i 1947 Kibbutzen vart grunnlagd den 23. oktober 1946 som ein ny busetnad i Gush Etzion (aust for dagens plassering). Grunnleggjarane var palestinsk-fødde medlemmar av den femte gruppa (Gar'in) av Bnei Akiva som vart danna i Tirat Zvi.
I 1947 hadde kibbutzen eit folketal på 80. Under den israelsk-arabiske krigen i 1948 vart kibbutzen øydelagd i lag med dei andre busetnadane i Gush Etzion, av den jordanske hæren. Mennene som var att for å kjempe vart tekne som krigsfangar til Mafrak krigsfangeleir.
Under fornyinga av jødiske busetjingar i Gush Etzion etter seksdagarskrigen, vart det grunnlagd ein ny kibbutz kalla Rosh Tzurim på den opphavlege staden til Ein Tzurim.
Dagens plassering I 1949 danna innbyggjarane som drog frå Ein Tzurim ei ny busetjing sør i det sentrale Israel, nær landsbyane Zerahia, Shafir og Merkaz Shapira, og dei kalla òg denne Ein Tzurim. Han vart grunnlagd på landområdet som høyrte til den avfolka palestinske landsbyen Al-Sawafir al-Sharqiyya.Khalidi, 1992, s. 135
Kjelder
Denne artikkelen bygger på «Ein Tzurim» frå , den 13. september 2015. oppgav desse kjeldene:
Kategori:Kibbutzar Kategori:Den religiøse kibbutzrørsla Kategori:Busetnader grunnlagde i 1946 Kategori:Busetnader grunnlagde i 1949 Kategori:1949 i Israel Kategori:Jødiske landsbyar avfolka under den arabisk-israelske krigen i 1948 Kategori:Jødiske landsbyar i Palestinamandatet Kategori:Busetnader i Det sørlege distriktet i Israel