Skule Torsteinsson (norrønt: Skúli Þórsteinsson) var ein islandsk skald, han var fødd om lag 970 og truleg døydde han litt før år 1040.
Han var soneson av den kjende skalden Egil Skallagrimson og etter SkaldatalSkaldatal heimskringla.no, frå Snorre-Edda var han ein av skaldane hos Eirik Håkonsson Ladejarl i tida frå omkring 990 til 1015. Ei kort skildring av livet hans finn vi i det siste avsnittet i soga om farfaren, Egils soga og han er òg nemnd i Soga om Gunnlaug Ormstunge.
Far til Skule var Torstein Egilsson på Borg på Island. Skule var lenge ute i viking og han skal ha vore med i sju slag på vikingferdene sine. Då han var omkring 20 år gamal reiste han til Noreg og vart hirdmann og skald hos Eirik jarl på Lade og han var stamnbu på Eririk jarl sitt skip, Jernbarden, under slaget ved Svolder. Om lag år 1015, truleg på den tida då Eirik jarl forlet Noreg og reiste til England, drog han attende til Island der han tok over ættegarden Borg og vart buande der til han døydde i høg alder. Han var gift med Bera Ormsdotter og dei hadde i det minste borna Egill og Geirlaug.
Kjende dikt av Skule Torsteinsson er desse: Dikt om slaget ved SvolderDikt om Svolder av Skule Torsteinsson (Skaldic Project) - truleg skrive på Island på hans eldre dagar. LausaviseLausavise av Skule Torsteinsson (Skaldic Project)
Referansar
Bakgrunnsstoff Skáldskaparmal (engelsk) Soga om Gunnlaug Ormstunge v/Ivar Eskeland (Samlaget 1969) Egilssoga v/Leiv Heggstad (Samlaget 1950) Den oldnorske og oldislandske litteraturs historie av Finnur Jonsson (1920)
Kategori:Islandske skaldar Kategori:Fødde i 970-åra Kategori:Folk frå vikingtida Kategori:Islendingar frå norrøn tid Kategori:Nordmenn frå norrøn tid Kategori:Folk i islendingesogene Kategori:Folk i Skaldatal