Leon «Ndugu» Chancler () er ein jazzfunk-trommeslagar, perkusjonist, studiomusikar, komponist og produsent frå Louisiana i USA.
Chancler kom frå Shreveport i Louisiana og byrja å spele trommer då han var tretten år gammal. På high school spelte han med Willie Bobo and the Harold Johnson Sextet. Chancler fekk universitetsgrad i musikk ved California State University, Dominguez Hills, og hadde då alt spelt med Gerald Wilson Big Band, Herbie Hancock, og spelt inn musikk med Miles Davis, Freddie Hubbard og Bobby Hutcherson, blant andre.
Chancler arbeidde ofte som studioperkusjonist. Han er å høyre på mange hitplater frå jazz til blues til pop, mellom anna Michael Jackson sin «Billie Jean». Chancler har òg arbeidd med Stanley Clarke, Jean-Luc Ponty, Donna Summer, George Duke, Patrice Rushen, Carlos Santana, Hubert Laws, The Crusaders, Frank Sinatra, Weather Report, Lionel Richie, George Benson, The Temptations, Tina Turner, Kenny Rogers, Thelonious Monk, Herbie Hancock, John Lee Hooker og andre.
I 2006 vart han assisterande professor på jazzstudiet ved University of Southern California og lærar ved Stanford Jazz Workshop i California.
Chancler er medlem av Percussive Arts Society og har blitt kåra til ein av dei 25 beste trommeslagarane i verda.
Diskografi Med Miles Davis Miles Davis at Newport 1955-1975: The Bootleg Series Vol. 4 (Columbia Legacy, 2015) Med Eddie Harris Excursions (Atlantic, 1966–73) Med Hampton Hawes Universe (Prestige, 1972) Blues for Walls (Prestige, 1973) Med Harold Land Damisi (Mainstream, 1972) Choma (Burn) (Mainstream, 1972) Med Azar Lawrence Bridge into the New Age (Prestige, 1974) Med Julian Priester Love, Love (ECM, 1973) Med Lalo Schifrin No One Home (Tabu, 1979) Med Weather Report Tale Spinnin' (Columbia, 1975)
Kjelder Denne artikkelen bygger på «Leon "Ndugu" Chancler» frå , den 22. april 2016. oppgav desse kjeldene:
Kategori:Jazzfunk-trommeslagarar Kategori:Jazzfunk-perkusjonistar Kategori:USA-amerikanske jazztrommeslagarar Kategori:USA-amerikanske studiomusikarar Kategori:Musikarar frå Louisiana Kategori:Weather Report-medlemmar