Karin Maria Boye () var ein svensk forfattar. Ho er best kjend som lyrikar, men har også skrive fleire romanar og essay.
Biografi Karin Maria Boye var fødd i GöteborgBengt A. Öhnander, Statyer berättar – 76 konstverk i Göteborg. Tre böcker: Göteborg 2004, s. 45 den 26. oktober 1900 av foreldre Signe og Carl Fredrik Boye. Familien flytta til Stockholm i 1909, og til forstaden Huddinge sørvest for Stockholm i 1915.
Boye avla «studentexamen» i 1920 og «folkskollärarinneexamen» 1921. Så studerte ho gresk, nordiske språk og litteraturhistorie ved Universitetet i Uppsala. I 1928 tok ho filosofisk embetseksamen ved Stockholms högskola.
I 1927 blei Boye medlem av redaksjonen til det svenske sosialistiske tidsskriftet Clarté.
Ho var ei tid gift med Leif Björk, men ekteskapet blei oppløst i 1933. Etter dette stod Boye relativt ope fram som homofil, og levde saman med den tyske kjærasten sin Margot Hanel resten av livet. På denne tida var homoseksualitet framleis forbode etter svensk lov.
Karin Boye døyde etter å ha tatt ein overdose med sovepiller om kvelden 23. april 1941. Deretter gjekk ho tynnkledd ut og sette seg for å venta på døden.Abenius, Drabbad av renhet, 1950 s.399ff Ho blei funnen neste dag. Halldis Moren Vesaas skreiv diktet «Karin Boye funnen død» etter at dødsfallet blei kjend. Her heiter det mellom anna «...den frosne har frose i hel».
Forfattarskap Karin Boye debuterte i 1922 med diktsamlinga Moln. Seinare følgde samlingane Gömda land, Härdarna, För trädets skull og, etter at ho hadde døydd i 1941, De sju dödssynderna och andra dikter. Innhaldet i dikta hennar er prega av ein indre personlegdomskamp, ei spenning mellom pliktkjensle, drift og skam. Mange dikt inneheld bibelske referanser, og desse og andre vitnar om ei uforsona gudslengsle. I form varierer dikta frå det klassisk enkle til det surrealistiske. Av kjende dikt kan nemnast «Ja, visst gör det ont när knoppar brister» (frå För trädets skull og «I rörelse» (frå Härdarna).
Romanen Kris frå 1934 er rekna av mange for å ha sjølvbiografiske. Romanen Kallocain frå 1940 er ein skrekkvisjon om ein framtidig politistat, og er eit av dei tidlegaste skandinaviske arbeida innanfor dystopi-sjangeren.
Boye omsette også verk av Thomas Mann og T.S. Eliot.
Annet
Det er gitt ut mange svenske plater med tonesettingar av dikta til Karin Boye. I 2004 gav den norske jazz-songaren Eldbjørg Raknes ut plata Många röstar talar der ho syng nokre av Boye sine dikt.
Bibliografi mini|Peter Linde sin statue av Karin Boye utanfor Göteborgs stadsbibliotek. Romanar: Astarte, 1931 Merit vaknar, 1933 Kris, 1934 För lite, 1936 Kallocain, 1940
Diktsamlingar: Moln, 1922 Gömda land, 1924 Härdarna, 1927 För trädets skull, 1935 De sju dödssynderna och andra dikter, 1941 (gjeven ut posthumt av Hjalmar Gullberg)
Samlade skrifter I-X, 1948-50, gjeven ut av Margit Abenius
Omsetjingar: Bergtagen av Thomas Mann, 1929 Det öde landet (The Waste Land) av T.S. Eliot – saman med Erik Mesterton, i tidsskriftet Spektrum 1932.
Kjelder
Denne artikkelen bygger på «Karin Boye» frå , den 8. mai 2016.
Bakgrunnsstoff Karin Boyesällskapet Alle verk av Karin Boye på Litteraturbanken.se
Kategori:Svenske forfattarar Kategori:Svenske lyrikarar Kategori:Svenske sciencefictionforfattarar Kategori:Døde ved sjølvmord Kategori:Folk frå Göteborg Kategori:Folk frå Stockholm Kategori:Folk frå Huddinge Kategori:Svenske salmediktarar