Anders Sæterøy () var ein norsk småbrukar, bygningsmann og politikar frå Surnadal. Han representerte Arbeidarpartiet på Stortinget i tida 1954-69.
Sæterøy var son til ein småbrukar og bygningsmann. Frå han var 16 år gammal var han sjølv med i bygningsarbeid. Seinare tok han over farsgarden, samstundes som han heldt fram med å byggje hus. Han engasjerte seg i lokalpolitikken i Surnadal og var medlem i heradsstyret frå 1928 til -40, og ordførar frå 1945 til 1955.
Etter tidlegare å ha stått på varamannsplass, vart Sæterøy hausten 1953 vald til stortingsrepresentant frå Møre og Romsdal. Sidan vart han attvald tre gongar. I alle dei seksten sesjonane han var tingmann, var han medlem i Kyrkje- og undervisningskomiteen.
Sæterøy gav i 1973 ut boka Ungdoms draum og livsens røynsle, og i 1981 I manns minne.
Kjelder Stortingsbiografi
Kategori:Stortingsrepresentantar 1954-1957 Kategori:Stortingsrepresentantar 1958-1961 Kategori:Stortingsrepresentantar 1961-1965 Kategori:Stortingsrepresentantar 1965-1969 Kategori:Folk frå Surnadal