Karl Korneliusson Kleppe () var ein norsk gardbrukar og politikar frå Klepp i Rogaland. Han representerte partiet Venstre på Stortinget frå 1919 til 1945.
Kleppe var son til ein gardbrukar i Klepp. Etter å ha gått ut frå amtsskulen på Jæren i 1893, gjekk han nokre år amts-landbruksskulen på Tveit i Ryfylke i 1898. Deretter gjekk turen til Noregs Landbrukshøgskule, der han tok eksamen i 1900.
Kleppe var frå 1900 til 1942 landbrukslærar ved Jæren folkehøgskule. I åra frå 1909 til 1940 dreiv han også farsgarden ved Kleppe stasjon. Han var kjend som ein iherdig amatørfotograf.
Valperioden 1914-16 var han fungarenda varaordførar i Klepp. Ved stortingsvalet 1918 vart Kleppe vald til stortingsmann frå einmannskrinsen Jæderen. Han vart attvald ved alle stortingsval fram til 1936, då som representant for landkommunane i Rogaland. Den fyrste treårsbolken på Stortinget var han medlem i Universitets- og fagskulekomiteen, sidan var han medlem 1922-27 i Jarnbankekomiteen og 1928-45 i Landbrukskomiteen, sekretær i sistnemnde frå 1937. Kleppe skreiv grundige referat frå møta i parlamentsgruppa til Venstre. Referansar
Kategori:Stortingsrepresentantar for Rogaland Kategori:Stortingsrepresentantar frå Venstre Kategori:Stortingsrepresentantar 1919-1921 Kategori:Stortingsrepresentantar 1922-1924 Kategori:Stortingsrepresentantar 1925-1927 Kategori:Stortingsrepresentantar 1928-1930 Kategori:Stortingsrepresentantar 1931-1933 Kategori:Stortingsrepresentantar 1934-1936 Kategori:Stortingsrepresentantar 1937-1945 Kategori:Ordførarar i Klepp Kategori:Venstreordførarar i Rogaland Kategori:Studentar ved Noregs landbrukshøgskule Kategori:Folk frå Klepp