mini|Nidarosdomen blei bygd i høgmellomalderen. Høgmellomalderen er ei periode av europeisk historie, den midtre delen av mellomalderen (etter tidleg mellomalder og før seinmellomalderen). Høgmellomalderen er rekna å ha omfatta 1000-talet og 1200-talet.
I dette tidsrommet såg Vest-Europa større stabilitet og vekst. Det blei fleire menneske, klimaet var varmt og gunstig for jordbruk, og skog- og myrområde blei rydda og folkesette. Det blei bygd ei rekkje kyrkjer i ny gotisk stil.
Barbarinvasjonar og vikingraid var stort sett slutt, og det blei utvikla statar i Norden og Ungarn, rike bystatar i Italia, og tidlegare statar som Frankarriket voks og fornya seg. Bortsett frå mongolinvasjonane kom ingen større trugsmål utanfrå. I staden oppfordra den katolske kyrkja kristne europearar til å ta tilbake landområde som var blitt muslimske gjennom Reconquista og fleire krosstog i Midt-Austen.
mini|Bayeuxteppet er eit broderi laga like etter den normanniske invasjonen av England.
Norsk høgmellomalder I Noreg er høgmellomalderen rekna for perioden frå 1184 til 1319, frå slaget ved Fimreite til Noreg gjekk inn i personalunion med Sverige.
Tidsline 1054 Det store skismaet. Det endelege skiljet mellom den katolske og den ortodokse kyrkja. 1066 Slaget ved Hastings. England kom under normannisk styre. 1071 Slaget ved Manzikert. Seldsjukkar overvann styrkar frå Bysantinarriket. 1095 Fyrste krosstoget 1291 Akko, den siste europeiske utposten i Midtausten, vart teken av Mamelukkane under Khalil.
Kjelder Middle Ages: The High Middle Ages on Columbia Electronic Encyclopedia at infoplease Denne artikkelen bygger på «High Middle Ages» frå , den 16. desember 2009.
Kategori:Mellomalderen