«I Got a Woman» (opphavleg kalla «I've Got a Woman») er ein song av den amerikanske R&B/soulmmusikaren Ray Charles, gjeven ut på singel i desember 1954 på Atlantic med «Come Back Baby» på B-sida. Begge sidene kom seinare ut på albumet Ray Charles i 1957 (seinare kalla Hallelujah I Love Her So).
Opphav Songen byggjer på «It Must Be Jesus» av Southern Tones, som Ray Charles lytta til på radio då han var på turne med bandet sitt sommaren 1954. Han og eit bandmedlem, trompetisten Renald Richard, skreiv ein song i gospel-snøggleik med ein verdsleg tekst og eit jazzinspirert rhythm and blues-akkompagnement. Songen var ein av prototypane på det som seinare vart kalla «soul» etter Charles gav ut «What'd I Say» nesten fem år seinare.
Innspeling Songen vart spelt inn seint i 1954 i Atlanta-studioet ved Georgia Tech-radiostasjonen WGST. Det var den første hitten til Charles og han klarta raskt til toppen av &B-lista i januar 1955. Charles fortalte Pop Chronicles at han framførte songen i meir enn eit år før han spelte han inn 18. november 1954. Songen førte til fleire hittar for Charles i perioden då han var på Atlantic. Songen vart seinare rangert på 239. plassen på lista til Rolling Stone over dei 500 beste songane gjennom tidene, ein av fem Charles-songar på lista. Ray Charles spelte inn songen på ny som «I Gotta Woman» (ABC-Paramount 10649) og denne nådde 79. plassen på Billboard pop-lista i 1965.
The Beatles-versjonen
The Beatles spelte inn to versjonar av songen for BBC-radio. Den første versjonen vart spelt inn 16. juli 1963 på BBC Paris Theatre i London for Pop Go The Beatles. Denne versjonen vart først gjeven ut i 1994 på samlealbumet Live at the BBC.
Den andre versjonen vart spelt inn 31. mars 1964 ved Playhouse Theatre i London for Saturday Club-radioshowet. Denne versjonen vart gjeven ut i 2013 for On Air – Live at the BBC Volume 2 og er kortare enn Live at the BBC-versjonen.
Medverkande John Lennon - vokal, rytmegitar Paul McCartney - bass George Harrison - sologitar Ringo Starr - trommer
Andre versjonar Andre versjonar som nådde pop- eller R&B-lista i USA er versjonane til Jimmy McGriff (#20 pop, #5 R&B, 1962), Freddie Scott (#48 pop, 1963) og Ricky Nelson (#49 pop, 1963).
Songen er òg blitt spelt av andre artistar, som Elvis Presley - Elvis Presley (1956) Bill Cosby Bill Wyman's Rhythm Kings The Barbarians Anneke van Giersbergen Baby Face Willette Fred McDowell Jo Stafford (omskriven og spelt inn som «I Got a Sweetie») Bobby Darin Ace Cannon Adam Faith Booker T. & the M.G.'s Roy Orbison Al Kooper The Honeydrippers The Monkees Ricky Nelson Stevie Wonder Snooks Eaglin Johnny Cash og June Carter John Mayer Trio Them John Hammond Bill Haley & His Comets Jamie Cullum Sonny Terry & Brownie McGhee Jayson Slack Tom Petty and the Heartbreakers Gibson Brothers Andrew Wild Kermit Ruffins & Rebirth Brass Band Bryan Adams Ramblin' Jack Elliott Sammy Davis Jr. Toots & the Maytals Jimmy Smith Pink Anderson Paolo Nutini Alonzo Pennington Johnny Hallyday John Scofield John Mayer The Routers Johnny Rivers (1964) Martin Solveig Lightnin' Hopkins Espen Lind, Askil Holm, Kurt Nilsen og Alejandro Fuentes - Hallelujah - Live
Bandet Dire Straits nemner songen i sin eigen song, «Walk of Life», frå 1985 på albumet Brothers in Arms 2:44 uti songen.
Kanye West-songen «Gold Digger» inneheld eit sample (og ein interpolasjon under introen) av songen. Refrenget på «I Got a Woman» er sungen gjennom songen av Jamie Foxx, som spelte Charles i biografifilen Ray i 2004.
Kjelder Denne artikkelen bygger på «I Got a Woman» frå , den 28. september 2016. oppgav desse kjeldene:
Kategori:Songar frå 1954 Kategori:Singlar frå 1955 Kategori:Songar skrivne av Ray Charles Kategori:Songar på toppen av Billboard Hot R&B/Hip-Hop Songs-lista Kategori:Ray Charles-songar Kategori:Elvis Presley-songar Kategori:Bill Haley-songar Kategori:The Beatles-songar Kategori:Van Morrison-songar Kategori:Bill Cosby-songar Kategori:Jo Stafford-songar Kategori:Bobby Darin-songar Kategori:John Mayer-songar Kategori:Johnny Cash-songar Kategori:Booker T & the MGs-songar Kategori:Jimmy Smith-songar Kategori:George Benson-songar Kategori:Sammy Davis jr.-songar Kategori:Tom Petty-songar Kategori:Howlin' Wolf-songar Kategori:José Feliciano-songar Kategori:Carl Perkins-songar Kategori:Freddy Fender-songar Kategori:Grammy Hall of Fame Award Kategori:Atlantic Records-singlar Kategori:Songar produserte av Jerry Wexler 239