A Date with Elvis er det åttande albumet til Elvis Presley, gjeve ut på RCA Victor Records (LPM 2011) i juli 1959. Det består av eit utval av songar som var gjevne ut før og ikkje-utgjevne innspelingar i august 1956 i 20th Century Fox Stage One, to frå Radio Recorders i Hollywood, og fleire innspelingar frå Sun Studio. Albumet nådde 32. plassen på Billboard Top Pop Albums-lista. Det er ikkje lenger i sal på fysisk plate, men finst tilgjengeleg på nettet for nedlasting og strøyming.
Innhald Etter Presley måtte inn i den amerikanske hæren den 24. mars 1958, ønskte RCA Victor og manageren til Presley, Colonel Tom Parker, å halde namnet hans aktivt hos publikum dei to neste åra då han ikkje kunne halde konsertar eller spele i filmar, og gav ut innspelingar frå kvelvet. Det vart arrangert ei innspeling over to dagar i juni, som gav nok songar til fem singelsider. Singelformatet var det kommersielle fokuset for rock and roll i 1950-åra. Fire av desse songane vart gjevne ut på album i 1958 og 1959 medan han var i militærteneste.
Sjølv etter det som var vanleg seint i 1950- og tidleg i 1960-åra, der albuma ofte berre var kring 35 minuttar lange, var dette eit særs kort album på berre 23 minuttar, og vart eit av dei albuma som nådde lågast på salslistene i dette tiåret. RCA gav ut nok eit album i 1959 med tidlegare utgjevne songar, eit samlealbum men det selde enno dårlegare. Presley kom attende til USA i 1960 og gjekk i studio igjen.
Ein annan versjon av albumet, med seks av dei same songane frå originalutgåva, med med 14 songar i alt, kom ut i Australia i september 1959. RCA gav ut dei originale 10 songane frå albumet på CD i 1989.
I 1986 gav The Cramps ut eit heilt anna album som òg heitte A Date with Elvis.
Medverkande Elvis Presley – vokal, gitar Scotty Moore – gitar Dudley Brooks – piano Mike Stoller – piano, korvokal Bill Black – bass D.J. Fontana – trommer Johnny Bernero – trommer The Jordanaires – korvokal
Innhald
Britisk, australsk og tysk nyutgjeving
Kjelder Denne artikkelen bygger på «A Date with Elvis» frå , den 15. oktober 2016. oppgav desse kjeldene:
Bakgrunnsstoff LPM-2011 A Date With Elvis Guide (monaural) på The Elvis Presley Record Research Database LSP-2011(e) A Date With Elvis Guide (stereo) på The Elvis Presley Record Research Database
Kategori:Musikkalbum frå 1959 Kategori:Elvis Presley-album Kategori:RCA Victor-album Kategori:Engelskspråklege album Kategori:Album produserte av Sam Phillips Kategori:Album spelte inn i Sun Studio