Christian Lange Rolfsen () var ein norsk advokat og Høgre-politikar frå Drammen som i 1923-24 var justisminister i Berge-regjeringa.
Rolfsen var son til ein sorenskrivar. Han gjekk i faren sine fotspor og vart cand.jur. i 1888. 1888-89 var han fullmektig hos sakførar H. Berg på Elverum. Deretter arbeidde han ved sorenskrivarkontoret i Tune til 1894, som konstituert sorenskrivar 1892-94. Våren 1895 tok han over ei sakførarforretning i Fredrikstad og var advokat i byen til 1912. Han var så byfut i Drammen til februar 1923, då han vart utnemnd til lagmann i Borgarting og Agder lagdømme. Tre månader seinare, 30. mai 1923 vart han statsråd i Justisdepartementet, ein posisjon han hadde til 24. juli 1924. Han gjekk då tilbake til lagmannsjobben i Drammen.
Rolfsen var aktiv i politikken for partiet Høgre. Perioden 1901-12 var han vald inn i Fredrikstad bystyre, ordførar i kommunen 1904–09. Han sat så perioden 1910-12 på Stortinget, vald frå einmannskrinsen Fredrikstad. På Tinget var han nestformann i Justiskomiteen.
Kjelder
Lindstøl, Tallak: Stortinget og Statsraadet 1814-1914. Kristiania, 1914
Kategori:Norske justisministrar Kategori:Statsrådar i Regjeringa Berge Kategori:Høgrestatsrådar Kategori:Stortingsrepresentantar frå Høgre Kategori:Stortingsrepresentantar for Fredrikstad Kategori:Stortingsrepresentantar 1910-1912 Kategori:Norske advokatar Kategori:Ordførarar i Fredrikstad Kategori:Høgreordførarar i Østfold Kategori:Folk frå Drammen