Mazar-e Sharif, også skrive Mazar-i Sharif, er den tredje største byen i Afghanistan, med eit folketal på 693 000 (2015). Han ligg nord i landet og er administrasjonsstad for Balkh-provinsen .
Mazar-e Sharif ligg 300 km nordvest for Kabul, i ein elveoase nær Balkh. Ein stor del av innbyggjarane i Mazar-e Sharif er tadsjikarar eller usbekarar.
Industrien omfattar kornmøller og produksjon av silke- og bomullstekstilar.
Mazar-e Sharif er rekna som ein heilag stad i Afghanistan. Særleg sjiamuslimar valfartar til Imam Ali-moskeen i byen, der kalifen Ali skal vera gravlagd.
Mazar-e Sharif var sentrum for afghansk Turkestan frå 1852.
Under Taliban-regimet var Mazar-e Sharif ein viktig motstandsby.
Kjelder
Delar av denne artikkelen bygger på «Mazar-i-Sharif» frå , den 20. oktober 2016.
Kategori:Byar i Afghanistan Kategori:Balkh-provinsen