Lora stoppestad er ein tidlegare stoppestad på Raumabana som opna i 1921, mista passasjertrafikken i 1988 og vart nedlagd i 1990. Lora er ei grend i Lesja kommune i Innlandet fylke, 25 kilometer nordvest for Dombås.

Trafikale høve Lora var bemanna for billettsal og ekspedering av gods inntil beteninga vart inndregen i 1970. Trass i at stoppestaden var ubemanna vart det framleis ekspedert vognlastar dit til ut på 1980-talet. Fram til 1988 stansa toga viss det var reisande. Stoppestaden vart formelt nedlagd i 1990.

Betening Lora var ein "kjerringstasjon" utan stasjonsmeister eller personale med sikkerhetsfunksjonar. Dei ansette var ekspeditriser som selde billettar, ekspederte gods og handterte pakkar og post.

Anna Otnæs, f. 1897, ekspeditrise fra 15.1.1921 Aagot Wold Jensen, f. 1901, ekspeditrise fra 24.11.1956-1.5.1960 Eldbjørg Høie, f. 1911, ekspeditrise fra 15.8.1960

Stasjonsbygninga Stasjonsbygninga var teikna av Jernbanens arkitektkontor ved Gudmund Hoel og Bjarne Friis Baastad, og var av "Type for Raumabanen", den same bygningstypen som til dømes Bottheim, Marstein og Lesjaskog. Bygninga vart sett opp frå 1917 til 1921, kravde arbeidstimar og kosta kroner. Kostnadane for heile stasjonsanlegget var kroner.

Bygninga er i to etasjar og kjellar, og oppført i lafta tømmer kledd med liggjande trepanel. Gavlane har ståande vekselpanel. Døra til venterommet og vindauga i gavlane er rama inn med ornamentar i nyrokokko. Bygninga har saltak tekt med skifer. Ekspedisjonsrommet har eit utbygg mot plattforma med plass til eit innvendig stillverk. I fyrste etasje var det ekspedisjonskontor, telegrafistrom og venterom for passasjerane. I andre etasje var det tenestebustad med inngang frå baksida. I kjellaren var det rom for lagring av mat og brensel, og eit bryggarhus for klesvask. Godshuset var i ei einetasjes sidefløy med port ut til plattforma. I 1976 vart det bygd kvilerom for baneavdelinga i delar av venterommet og ein del av ekspedisjonskontoret vart bygd om til soverom. Bygninga fekk innvendige vassklosett i 1960.

Stasjonsområdet På stasjonsområdet er privétbygninga og ein tjoringsbom for hestar teken vare på. Lora hadde frå opninga eit 250 meter langt kryssingsspor. Kryssingssporet vart fjerna før 1960. I vestre ende av stasjonsområdet var eit 75 meter langt gjennomgåande lastespor med lasterampe og eit stort godshus bygd av Lora samvirkelag (grunnlagd 1945). Lastesporet vart rive på 1990-talet, men lasterampa og godshuset står enno (2024).

Kulturminne NSBs bygningsregistrering omtala i 1981 bygninga som i god stand og med middels verneverdi.

I samband med vernet av strekninga Bjorli-Åndalsnes, vart det vurdert å flytta stasjonsbygninga på Lora til Flatmark for å erstatta stasjonen som vart riven i 1984:

.

Eigaren Bane NOR Eigedom har gjort ei omfattande restaurering av bygninga, og ho er lokalt verna etter plan- og bygningslova.

Kjelder

Bibliografi Litteratur

Denne artikkelen bygger på «Lora stoppested» frå , den 15. mai 2024.

Bakgrunnstoff Innlandet fylkesarkiv Bilete frå Lora stoppestad

Kategori:Nedlagde jarnbanestasjonar i Noreg Kategori:Jarnbanestasjonar opna i 1921 Kategori:1921 i Noreg Kategori:Nedleggingar i 1990 Kategori:Gudmund Hoel Kategori:Bjarne Friis Baastad Kategori:Jarnbanestasjonar på Raumabanen Kategori:Jarnbanestasjonar i Innlandet Kategori:Samferdsle i Lesja Kategori:Byggverk i Lesja