Sigmund Moren () var ein norsk forlags- og skulemann og barnebokforfattar frå Trysil. Han var son til Sven Moren, og bror til Halldis og Torleiv Moren.
Sigmund Moren studerte i Oslo på 1930-talet, formann i Studentmållaget i 1935. Frå 1935 til -37 var han lærar ved Elverum folkehøgskule. Deretter livnærte seg som skribent, mellom anna som teatermeldar med meir i Norsk Tidend gjennom tjue år, 1937-57. Han var formann i Bondeungdomslaget 1939-41 og 1946. I 1943 tok han cand.mag-eksamen ved Universitetet i Oslo. Frå 1945 til -56 arbeidde Moren i Gyldendal forlag. Deretter var han rektor ved Elverum folkehøgskule frå 1957.
Moren debuterte som barnebokforfattar i 1953 med Dimmi får vener, som vann Dammprisen 1953. Fire år seinare kom Nattegjester på Jonsvangen. I 1946 var han redaktør for leseverket Norsk litteratur for ungdom. Elles sette han barne- og skulebøker om til norsk og redigerte nye utgåver av faren Sven Moren sine bøker.
Moren var styremedlem i Det norske teatret frå 1951 og gjennom fleire år medlem i Norsk språkråd. Han var også initiativtakar til Festspillene i Elverum.
Kjelder Norsk Allkunnebok. VIII. bandet. 1958
Kategori:Norske skulefolk Kategori:Norske litteraturhistorikarar og kritikarar Kategori:Norske barnebokforfattarar Kategori:Nynorskforfattarar Kategori:Folk frå Trysil