Snegle-Halle (norrønt: Sneglu-Halli) var ein islandsk skald som levde omkring midten av 1000-talet.
Liv og skaldskap Snegle-Halle kom frå ei fattig familie frå Fljotar (Fljót) i nærleikan av Svarfadardalen (Svarfaðardalur) på Island. (Begge skaldane Tjodolv Arnorsson og Bolverk Arnorsson kom frå den same staden.) Tilnamnet hans, «sneglu»Det norrøne ordet Snegla, tyder sped eller veik kar. hadde truleg samanheng med at han var høg av vekst, med lang hals og smal over skuldrene. Han vart òg kalla Graut-Halle (Grautar-Halli) fordi han skal ha vore særs glad i grautI islendingesoga «tåtten om Snegle-Halle» blir det fortalt at han døydde medan han sat og åt graut. Då kong Harald fekk dødsbodet, skal han ha sagt: «På grauten må stakkaren ha sprengt seg» (Á grauti mundi greyið sprungið hafa)..
Omkring 1053 kom han til kong Harald Hardråde i Noreg og vart hirdmannen hans. Han reiste på handelsferd til Danmark og deretter reiste han til England, der skal han gjort ei dråpa til kong Harald GodwinsonHarald Godwinson var konge i England frå januar 1066, til han fall i slaget ved Hastings i oktober 1066. Før han, var Edvard vedkjennaren konge. Kronologien i soga til Snegle-Halle tilseier at enten var det hos kong Edvard han var, eller så må han ha vitja Harald Godwinson før han vart konge.. Seinare kom han attende til kong Harald i Noreg, og stutt tid etter reiste han heim til Island, der han døydde noko før 1066.
I samtida vart han rekna som ein god skald og han skal ha hatt lett for å dikte. Han skal ha vore særs frittalande, slagferdig og djerv i si framferd og hadde ei sjeldan evne til å more andre, noko som kong Harald oftast (ikkje alltid) tykte om. Han kunne òg vere nokså grovkorna, slik som i dette diktet (vers nr 10 i lausaviser), som han gjorde om dronning Tora - etter oppfordring frå kong Harald: Þú est makligust miklu (munar stórum þat, Þóra) flenna upp af enni allt leðr Haralds reðri.Tora, du fortener mest av alle, med det du overgår alle andre, å vrenge huda på Haralds lem heilt opp. I SkaldatalSkáldatal på norrønt, frå is.wikisource er Snegle-Halle ført opp som skald hos kong Harald Hardråde. Han skal ha gjort Kollevisa (Kolluvísur) som var eit kvad om kyrne han gjætte på Island, ei dråpadråpa Store norske leksikon om kong Harald, og diktet om den engelske kongen, men ingen av dei er bevart. Desse dikta av han, er kjende: LausaviserLausaviser av Snegle-Halle (Skaldic Project) FragmentFragment av Snegle-Halle (Skaldic Project) – truleg eit dikt om Harald Hardråde.
Opplysningar om livet til Snegle-Halle, finn ein i islendingesoga «Tåtten om Snegle-Halle» som finst i to versjonar, ein i MorkinskinnaSNEGLU-HALLA ÞÁTTUR norrøn tekst etter Morkinskinna og ein utvida i FlatøybokSNEGLU-HALLA ÞÁTTUR norrøn tekst etter Flatøyboka.
Kjelder og utfyllande opplysningar Notar
Referansar
Bakgrunnsstoff Halli Store norske leksikon
Kategori:Islandske skaldar Kategori:Folk frå vikingtida Kategori:Islendingar frå norrøn tid Kategori:Folk i Skaldatal