«Rockestra Theme» er ein song av Wings frå 1979 på det siste studioalbumet deira, Back to the Egg. Songen vart gjeven ut som den fjerde og siste singelen frå albumet. Singelen kom berre ut i Frankrike.
Innspeling Songen vart spelt inn 3. oktober 1978 i Abbey Road Studios av eit stjernelag av musikarar som fekk namnet «Rockestra», sjølv om songen teknisk sett er tilskriven Wings.
Av musikarar som spelte på songen (og på «So Glad To See You Here», som òg er på Back to the Egg, finn ein Denny Laine, Laurence Juber, David Gilmour, Hank Marvin, Pete Townshend (gitar), Steve Holley, John Bonham, Kenney Jones (trommer), Paul McCartney (piano, basshttp://www.jpgr.co.uk/pctc257.html), John Paul Jones, Ronnie Lane, Bruce Thomas (bass), Gary Brooker, Linda McCartney, Tony Ashton (klaverinstrument), Speedy Acquaye, Tony Carr, Ray Cooper, Morris Pert (perkusjon), Howie Casey, Tony Dorsey, Steve Howard og Thaddeus Richard (blåsarar).
Ein person som eigentleg skulle delta i supergruppa var Jeff Beck. Etter McCartney spurte om han ville vere med, sette Beck som krav at han ville ha vetomakt over sine eigne gitarparti, og McCartney droppa å ta han med.
I eit intervju i 2001 på VH1 sa McCartney at Keith Moon var meint å delta i «Rockestra», men døydde ein månad før innspelinga fann stad. Kenney Jones, som erstatta Moon på trommer i The Who, var med i staden. I boka Paul McCartney: Recording Sessions (1969-2013) sa Wings-trommisen Steve Holley at opplevinga var «skremande».Luca Perasi, Paul McCartney: Recording Sessions (1969-2013), L.I.L.Y. Publishing, 2013, , p.182.
«Rockestra Theme» vann Grammyprisen for beste rockeinstrumental. Songen vart nytta som kjenningsmelodi for ymse idrettsprogram.
Kjelder Denne artikkelen bygger på «Rockestra Theme» frå , den 21. mai 2018. oppgav desse kjeldene:
Kategori:Paul McCartney-songar Kategori:Singlar frå 1979 Kategori:Wings-songar Kategori:Songar skrivne av Paul McCartney Kategori:Stjernelaginnspelingar Kategori:Veldedige singlar Kategori:Parlophone-singlar Kategori:Songar produserte av Paul McCartney Kategori:Grammy-vinnarar Kategori:Songar produserte av Chris Thomas Kategori:Songar frå 1978