Jens Isak de Lange Kobro () var ein norsk jurist, offiser og politikar for partiet Venstre. Han var forsvarsminister i Mowinckel III-regjeringa.
Kobro var son til ein prest. Han tok studenteksamen ved Hauges Minde i Kristiania i 1900 og vart vernepliktig offiser i 1901. Sidan studerte han jus og vart cand.jur. i 1906. Frå 1907 til-09 var han assistent hos Politimeisteren i Senja og Steigen, stasjonert i Harstad. 1909-12 var han eidsvoren fullmektig hos Sorenskrivaren i Hammerfest, der han ei tid var fungerande politimeister. Premierløytnant i 1914 og bysekretær i Haugesund 1915-17. Perioden 1917-23 var Kobro politimeister i Vardø og 1923-47 sorenskrivar i Malangen. Han avslutta arbeidslivet som sorenskrivar i Lillesand 1947-52.
Kobro var bystyremedlem i Vardø 1923-25 og i Tromsø 1929-37, ordførar i Tromsø 1929-32 og ein kort periode etter frigjeringa i 1945. I Vardø var han 1920-23 styreformann i den lokale sparebanken og i Tromsø formann 1931-38 i representantskapet til Tromsø Forretningsbank.
Valperiodane 1931-33 og 1934-36 var Kobro stortingsrepresentant frå byane i Nord-Noreg, men frå våren 1933 og i to år framover hadde han plass i statsrådet under statsminister Johan Ludwig Mowinckel.
Kobro er gravlagd i Lillesand.
Kjelder
Kategori:Norske forsvarsministrar Kategori:Venstrestatsrådar Kategori:Statsrådar i Regjeringa Mowinckel III Kategori:Stortingsrepresentantar 1931-1933 Kategori:Stortingsrepresentantar 1934-1936 Kategori:Stortingsrepresentantar frå Venstre Kategori:Stortingsrepresentantar for byane i Nordland, Troms og Finnmark Kategori:Ordførarar i Tromsø Kategori:Venstreordførarar i Troms Kategori:Lokalpolitikarar i Vardø Kategori:Venstrepolitikarar i Finnmark Kategori:Norske politimeistrar Kategori:Norske offiserar