Shir Khan Bandar eller Sher Khan Bandar er ein tettstad i Kunduz-provinsen i Afghanistan. Han ligg ved Panj-elva, som dannar grense til Tadsjikistan. Sidan ei ny bru over grenseelva opna i 2007 har Shir Khan Bandar blitt den viktigaste grenseovergangen mellom Afghanistan og Tadsjikistan.
Shir Khan Bandar er ein grenseby og ei elvehamn ved Panj-elva. Tidlegare var han kjend som Qezel Qal'eh. Det nye namnet kom frå Sher Khan Nashir, som var khan for kharotistammen og guvernør for Kunduz-regionen på 1930-talet.
Byen byrja veksa etter 2000, særleg etter at brua over Panj mellom Afghnaistan og Tadsjikistan blei fullført i 2007. Dette auka handelen mellom Afghanistan og Sentral-Asia med så mykje som 400 lastebilar som kom til Shir Khan Bandar kvar dag, til fordel for lokale forretningsfolk.
Kjelder
Denne artikkelen bygger på «Shir Khan Bandar» frå , den 24. juni 2018.
Kategori:Kunduz-provinsen