Hello! er det sjette studioalbumet til det britiske rockebandet Status Quo. Det kom ut i september 1973 og var det første av fire Quo-album som gjekk til topps på den britiske albumlista. Det var òg det første Quo-albumet der trommeslagaren John Coghlan medverka som låtskrivar.
Klaverspelaren Andy Bown og saksofonisten Stewart Blandamer spelte begge på «Forty-Five Hundred Times». Dette var første gangen Bown spelte på eit Status Quo-album før han seinare vart permanent medlem i bandet.
Bakgrunn I 1973 byrja Status Quo å få suksess att på salslistene, etter at dei i 1972 fekk kontrakt hos Vertigo. Det gamle selskapet deira, Pye, valde då å gje ut ein singel frå albumet deira frå 1971, Dog of Two Head. Singelen «Mean Girl» nådde då 20. plassen på singellista.
I august 1973 kom den einaste singelen frå det nye albumet, «Caroline», skriven av Rossi og Young. Denne nådde femteplassen på singellista i Storbritannia og vart den første singelen deira som nådde så høgt. B-sida var ein song som ikkje var med på albumet, «Joanne», skriven av Alan Lancaster og Rick Parfitt.
Ei 8-spors lydbandutgåve av albumet kom ut i september same året.
Det vart ikkje gjeve ut andre singlar frå albumet, sjølv om eit konsertopptak av «Roll Over Lay Down» kom ut på ein trespors EP i mai 1975 og nådde niandeplassen på UK Singles Chart og andreplassen på den australske singellista, den einaste topp ti-hitten deira der.
Dette var det første albumet deira der bandnamnet stod skrive i den faste fonten som vart nytta på alle albuma deira sidan.
Innhald
Medverkande Francis Rossi - gitar, solovokal Rick Parfitt - gitar, piano, vokal Alan Lancaster - bass, vokal John Coghlan - trommer, perkusjon
Andre medverkande Andy Bown - klaverinstrument
Kjelder
Denne artikkelen bygger på «Hello! (album)» frå , den 3. oktober 2018. oppgav desse kjeldene:
Kategori:Status Quo-album Kategori:Musikkalbum frå 1973 Kategori:A&M Records-album Kategori:Vertigo Records-album Kategori:Album spelte inn i IBC Studios