Endre Kristian Vestvik () var ein norsk emissær, gardbrukar og politikar frå Finnås/Bømlo i Hordaland. Han representerte Rogaland og Kristeleg Folkeparti på Stortinget frå 1954 til han døydde, vel to år seinare.

Far til Vestvik var målar og han arbeidde sjølv i yrket til 1917, inn i mellom dei periodane han deltok i fiskeria. Han tok så noko utdanning ved bibelskular i Bergen, og seinare i Oslo. Frå 1918 til -33 reiste han rundt om i Sunnhordland, Hardanger og Voss som emissær for ulike kristendoms-organisasjonar. Åra frå 1927 til -34 forpakta han gardsbruk på Jæren. I 1934 byrja han som bureisar i Randaberg, eit bruk han dreiv med han levde. Samstundes var han aktiv emissær i Ryfylke og Jæren krins av Indremisjonen.

Vestvik engasjerte seg i partipolitikken for Kristeleg Folkeparti. Han hadde plass i heradsstyret i Randaberg frå 1945 til han døydde, ordførar i åtte år frå 1947. Hausten 1953 vart han vald til å representere Rogaland på Stortinget, møtte der frå nyår 1954 til han døydde. På Tinget var han medlem i Protokollkomiteen.

Kjelder Stortingsbiografi

Kategori:Stortingsrepresentantar for Rogaland Kategori:Stortingsrepresentantar frå KrF Kategori:Stortingsrepresentantar 1954-1957 Kategori:Ordførarar i Randaberg Kategori:KrF-ordførarar i Rogaland Kategori:Folk frå Bømlo Kategori:Folk frå Randaberg