Sampooran Singh Kalra (), kjend under artistnamnet sitt Gulzar, er ein indisk diktar, låtskrivar og filmregissør.
Gulzar var fødd i Jhelum distrikt i Britisk India (noverande Pakistan). Familien hans, som var sikhar, flytta til India etter delinga av Britisk India. Han byrja karrieren sin som låtskrivar for S.D. Burman til filme Bandini frå 1963, og har verka med fleire komponistar av filmmusikk som R.D. Burman, Salil Chowdhury, Vishal Bhardwaj og A.R. Rahman. Han regisserte sjølv filmar som Aandhi og Mausam på 1970-talet og fjernsynsserien Mirza Ghalib på 1980-talet.
I 2004 blei han tildelt Padma Bhushan, den tredje høgaste sivile utmerkinga i India. I 2013 vann han Dadasaheb Phalke-prisen, den høgaste prisen innan indisk film. Han har også vunne Sahitya Akademi-prisen for urdu for novellesamlinga Dhuan i 2002 og fleire gonger den indiske National Film-prisen, 23 Filmfare-prisar, ein oscarpris og ein grammypris.
Kjelder
Denne artikkelen bygger på «Gulzar» frå , den 24. mars 2019.
Kategori:Indiske regissørar Kategori:Indiske låtskrivarar Kategori:Folk frå Britisk India