Birger Grinde () var ein norsk flygar og lufttrafikkinspektør i Luftfartsdirektoratet.
Grinde vart utdanna som flygar ved Marinens Flyveskole og fekk «Flygervingen» i 1931.Marinens flygevåpen 1912-1944. Hafsten, Bjørn/Arnheim, Tom. Side 278 Han vart tilsett i DNL i 1937 og flaug innanlands med Junkers Ju 52 i åra før andre verdskrigen.
Hausten 1939 vart han beordra som nestkommanderande ved Marinens flyavdeling på Skattøra og deltok i kampane ved Narvik i 1940, før han måtte overlevera Skattøra flystasjon til tyskarane. Etter at kampane i Noreg var over kom han seg først over til Sverige, og sidan til England. Under krigen var han først instruktør i Little Norway. Frå 1942 var han knytt til 333. skvadron i Storbritannia og flaug mellom anna Catalina. Etter krigen vart han tilsett som lufttrafikkinspektør i Luftfartsdirektoratet. Grinde var norsk rådsrepresentant ved Den internasjonale organisasjonen for sivil luftfart (ICAO) i periodane 1953-56 og 1971-74. Han gjekk av med pensjon frå stillinga som lufttrafikksjef i Luftfartsverket hausten 1978.
Referansar
Denne artikkelen bygger på «Birger Grinde» frå , den 28. mars 2019.
Kategori:Norske flygarar frå andre verdskrigen Kategori:Norske flygarar