Valentina Mikhailovna Jegorova () er ein russisk tidlegare langdistanseløpar frå Tsjuvasjia som vann maratonløpet under Sommar-OL 1992. Ho tok elles EM-sølv 1990 og OL-sølv 1996 på same distansen.
Aktiv Jegorova kjempa drabeleg mot Rosa Mota frå Portugal under europameisterskapen 1990 i Split. Til sist i maratonløpet seig den portugisiske veteranen ifrå og sikra seg gullmedaljen, Jegorova tok sølv. To år seinare, under dei olympiske sommarleikane i Barcelona, vart Jegorova olympisk meister få sekundar føre japanske Yūko Arimori på andreplass og bronsevinnar Lorraine Moller frå New Zealand. Både i 1993 og 1994 sigra Jegorova i Tokyo maraton. I 1994-sesongane sprang ho elles sitt livs fortaste maraton då ho i Boston maraton kom i mål etter 2 timar 23 minuttar og 33 sekundar. Ho måtte likevel ta til takke med andreplassen etter tyske Uta Pippig.
Under Sommar-OL 1996 i Atlanta vann Jegorova sølvmedaljen i maraton, langt bak etiopiske Fatuma Roba, men atter på plassen framom Yūko Arimori.
Medaljar og plasseringar i internasjonale meisterskap EM 1990 i Split: Sølvmedalje – 2.31,32, bakom Rosa Mota (2.31.27) VM 1991 i Tokyo: Braut maratonløpet OL 1992 i Barcelona: Gullmedalje – 2.32,41, framom Yūko Arimori (2.32.49) OL 1996 i Atlanta: Sølvmedalje – 2.28,05, bakom Fatuma Roba (2.26.05) OL 2000 i Sydney: Braut maratonløpet
Kjelder Denne artikkelen bygger på «Valentina Jegorova» frå , den 8. juni 2019.
World Athletics
Kategori:Russiske langdistanseløparar Kategori:Olympiske meistrar for SUS Kategori:Olympiske sølvmedaljevinnarar for Russland Kategori:Medaljevinnarar under sommar-OL 1992 Kategori:Deltakarar for SUS under sommar-OL 1992 Kategori:Friidrettsutøvarar under sommar-OL 1992 Kategori:Medaljevinnarar under sommar-OL 1996 Kategori:Russiske deltakarar under sommar-OL 1996 Kategori:Friidrettsutøvarar under sommar-OL 1996 Kategori:Russiske deltakarar under sommar-OL 2000 Kategori:Friidrettsutøvarar under sommar-OL 2000