Elvebakken vidaregåande skule er ein vidaregåande skule i Vestre Elvebakke 3 i bydel Grünerløkka. Skulen er ein av Oslo sine største skular med omtrent 1350 elevar. Han vart etablert i 1921 og fekk namnet Kristiania Fag- og Forskole for Handverk og industri i 1925 og heitte frå 1948 Oslo Yrkesskole. Skulen fekk det noverande namnet sitt i 1976.

Skulen ligg nær både buss- og trikkeholdeplassar ved Hausmanns gate, like ved Akerselva, Hausmania Kulturhus og Vega Scene.

Historie mini|Autoskuleelevar i arbeid på gardsplassen til skulen, 1931 Mot slutten av 1800-talet hende det ei rask industriell og teknologisk utvikling i Kristiania. Industriføretaka og handverkarane la om drifta, og meistrane fekk stadig meir å gjera med forretningar. Behovet for ein eigen fagleg opplæringsinstans var stort. Frisørmeistrane var dei første til å gjera noko med dette problemet. Dei oppretta eigne skular for lærlingane sine. Sidan vart skuletilbodet utvida til òg å gjelda andre fagområde. Det vart etablert teknisk rette sundagsskular og aftanskular. Skulane var spreidde på elleve ulike stadar rundt i byen og undervisinga var i for det meste teoretisk.

Behovet for ein felles skule med teoretisk og praktisk undervising for alle til handverks- og industrilinjer melde seg raskt. Handverks- og industrisamskipnaden påtok seg oppgåva å finna ein skule som kunne romma all undervising. I 1921 vart ein ærverdig, gammal bygård med bua vindauge og datidens snirkla arkitektur liggjande i Austre Elvebakke kjøpt og ombygd til skule. Han vart utvida med fleire nybygg på dei tilstøytande tomtene. Skulen heitte frå 1925 Kristiania Fag- og Forskole for Handverk og industri.  Bygget vart bygt om i 1938 og kunne då ta imot rundt 400 elevar og lærlingar.

Rektor Klaus Torgård tok over skulen i 1947 og året etter vart namnet til skulen forandra til Oslo Yrkesskole. Då Sogn vidaregåande skule vart bygd ferdig i 1961, vart større delar av tilboda ved Oslo Yrkesskole flytta til Sogn. Rektor Torgård vart med dit, og leidde begge skulane derfrå fram til 1968. 

I 1969 var det behov for å utvida Oslo Yrkesskole. Naboskulen i Osterhaus' gate, Framhaldsskolen for jenter (1932–1969) vart lagd ned og bygget vart overteke av yrkesskolen. Skulebygget var frå 1873 då Christiania Borgarskule heldt til der. Bygget vart seinare teke over av Oslo Voksenopplæring Rosenhof som har etablert ei avdeling der.

I 1976 kom «Lov om vidaregåande opplæring», og skulen sitt namn vart endra frå Oslo yrkesskole til Elvebakken vidaregåande skule.

Bakgrunnsstoff

https://elvebakken.vgs.no/om-skolen/om-oss/skolens-historie/

Kategori:Vidaregåande skular i Oslo Kategori:Skipingar i 1921