Hanna Maarit Outakoski () er ein samisk språkforskar frå Finland, som frå og med 1. januar 2025 arbeider som professor i samisk språk og språkdidaktikk ved Samisk høgskole. Tidlegare arbeidde ho som universitetslektor i samisk ved Institutionen för språkstudier ved Umeå universitet.
Forsking
Outakoski starta ut som syntaktikar, med arbeid om nordsamisk bindingsteori, eller vilkår for tilhøvet mellom (t.d.) eit refleksivt pronomen og ordet det viser til (Outakoski 2003). Ho har også arbeidd med nordsamiske kausativ (Vinka og Outakoski 2005).
Etterkvart dreidde forskingsinteressa hennar seg først til språklæring, der ho utvikla fjernundervisning med å ta i bruk virtuell realitet (Outakoski 2014), og til forsking på den samiske skriveprosessen og korleis den påverkar både læreprosessen og den samiske skriftkulturen som heilskap. Temaet for doktorgraden hennar var den skriftspråklege utviklinga for fleirspråklege samiske skolebarn (2015). Seinare har ho også utvida dette perspektivet i meir generelle arbeid (2019).
Bibliografi (utval)
Outakoski, Hanna; Lindgren, Eva; Westum, Asbjørg; et al. 2019: Researching writing development to support language maintenance and revitalization: design and methodological challenges. Perspectives on Indigenous writing and literacies, Leiden, Netherlands: Brill Academic Publishers 2019 : 165-185 Outakoski, Hanna 2015: Multilingual literacy among young learners of North Sámi: contexts, complexity and writing in Sápmi. Studier i språk och litteratur från Umeå universitet, 27. Ph.D.-avhandling. Outakoski, Hanna 2014: Teaching an endangered language in virtual reality Keeping languages alive: documentation, pedagogy and revitalization, Cambridge: Cambridge University Press 2014 : 128-139 Vinka, Mikael; Outakoski, Hanna: 2005 Exceptional causatives in North Sami. Proceedings from the Annual Meeting of the Chicago Linguistic Society, Chicago Linguistic Society 2005 : 401-414 Outakoski, Hanna 2003: On Reflexive Binding in North Sami. Nordlyd, Septentrio Academic Publishing 2003, Vol. 31, (4) : 723-739
Kjelder
Kategori:Samiske språkforskarar Kategori:Finske språkforskarar Kategori:Personar innafor samisk språkforsking