Lillestrøm kommune er ein kommune på Nedre Romerike i Akershus fylke som vart danna gjennom samanslåing av Skedsmo, Fet og Sørum kommunar i Akershus fylke.Lovdata.no. (20.12.2017). Forskrift om sammenslåing av Fet kommune, Skedsmo kommune og Sørum kommune til Lillestrøm kommune, Akershus Ved skipinga hadde kommunen rundt innbyggjarar. Lillestrøm var den 4. største kommunen i Viken fylke, 2020-2023, og den 9. største i Noreg.
Kommunevåpenet viser ein stokkebåt etter «Sørumsbåten», ein rundt 2200 år gammal slik båt som vart funnen i Sørum.
Historikk Lillestrøm og Strømmen har vore betydelige industrisenter. På Strømmens Værksted, skipa i 1879, blei det bygd jernbanevognar, bilar, bussar og Strømmen-propellen til skip. Dessutan fanst Strømmen Trævarefabrik, Sportsartikkelfabrikken Tarzan, Kjeller Flyfabrikk, Dynea og Tandbergs Radiofabrikk.
Lillestrøm var også namnet på ein tidlegare kommune i Akershus fylke som omfatta tettstaden Lillestrøm. Han hadde nummeret 232. Kommunen vart oppretta i 1908 ved at han vart skilt ut frå gamle Skedsmo kommune saman med Lørenskog kommune. 1. januar 1962 vart Lillestrøm kommune slått saman med Skedsmo kommune att. Administrasjonssenteret i Skedsmo kommune var Lillestrøm.
1. januar 2020 vart Skedsmo, Fet og Sørum kommunar slegne saman til nye Lillestrøm kommune. Samstundes vart Akershus fylke slege saman med Østfold og Buskerud til Viken fylke, som kommunen var ein del av i perioden 2020-2023.
Næringsliv Viktige bransjer er grafisk industri, verkstadindustri og kjemisk industri, og størstedelen av industrien ligg i området Strømmen-Lillestrøm-Kjeller.Askheim, Svein. Lillestrøm. Store norske leksikon. Vitja 24. juli 2020
Folk frå Lillestrøm Henrik Sørensen (1882-1962), kunstmålar Bjørn Christophersen (1900-1985), generalløytnant, sjef for Hæren 1956-1961 Ivar T. Henriksen (f. 1938), vassverkssjef Arild Andersen (f. 1945), musikar, jazzbassist Tom Lund (f. 1950), fotballspelar
Kjelder
Kategori:Norske kommunar skipa i 2020 Kategori:Kommunar i Akershus Kategori:Lillestrøm kommune