Ole Olsson Tronrud () var ein norsk landhandlar, gardbrukar og politikar frå Bagn i Sør-Aurdal. Han var ordførar i Sør-Aurdal frå 1910 til 1919, og stortingsmann 1919-21 frå einmannskrinsen Valdres, vald for partiet Venstre.
Gardbrukarsonen frå Bagn gjekk underoffisersskulen før han i 1886 opna landhandel på garden Søndre Voll i heimbygda. Jamsides landhandelen dreiv han småbruket Grønvoll der. Bortsett frå ein valperiode, sat Tronrud i heradsstyret samanhengande frå 1892 til 1922. Han var ordførar i tre valbolkar, frå 1910 til 1919. Dessutan var han forlikskommissær i lang tid.
Hausten 1918 vann Tronrud stortingsvalet i Valdres-krinsen. Dei tre åra på Stortinget hadde han sete i Konstitusjonskomiteen.
Mangeårig stortingsmann Elling Wold var syskenbarnet hans.
Kjelder Stortingsbiografi
Kategori:Norske handelsfolk Kategori:Stortingsrepresentantar 1919-1921 Kategori:Folk frå Sør-Aurdal