Stilnamn eller tiltalenamn (kinesisk skrift 字, pinyin zì) er eit namn ein får som vaksen i tillegg til namnet ein har brukt gjennom oppveksten. Denne typen namn har vore vanleg i sinosfæren, det vil seia Kina, Japan, Korea og Vietnam.Names of Persons and Titles of Rulers Det blei nytta som tiltalenamn mellom jamnaldrande eller av yngre til eldre.
I Kina fram til tidleg på 1900-talet fekk kinesiske menn av ein viss sosial status eit slikt stilnamn når dei blei rekna som vaksne, typisk ved fylte 20 etter kinesisk aldersrekning. Også kvinner av høgare sosial status kunne ha stilnamn, som dei ofte fekk i samband med giftarmål. Bruken av stilnamn blei omtalt anerkjennande i ein passasje i det kinesiske klassiske verket Liji, som skildrar sosiale rituale frå Zhou-dynastiet. Der blir det sagt at det var uhøfleg å tiltala kvarandre med personnamn («fornamn») blant vaksne menn, for dette var namn som berre eldre menneske kunne nytta om yngre.
Stilnamn blei også nytta i Vietnam (tự) og Korea. Skikken med stilnamn forsvann i samband med den kinesiske nye kulturelle rørsla som særleg rundt år 1919/1920 gjorde opprør mot mange gamle, framfor alt konfutsianske, tradisjonar.
Mange personar frå kinesisk historie er kjende under fleire namn. Dette kjem dels av bruken av slike stilnamn (zi), dels bruken av ein annan type pseudonym kalla kunstnarnamn (kinesisk hao, koreansk ko.
Døme Kinesisk Slektsnamn Personnamn Stilnamn Laozi Li Er Boyang Kongzi (Konfutse) Kong Qiu Zhongni Sunzi (Sun Tzu) Sun Wu Changqing Cao Cao Cao Cao Mengde Guan Yu Guan Yu Yunchang Liu Bei Liu Bei Xuande Zhuge Liang Zhuge Liang Kongming Zhao Yun Zhao Yun Zilong Li Bai Li Bai Taibai Su Dongpo Su Shi Zizhan Yue Fei Yue Fei Pengju Yuan Chonghuan Yuan Chonghuan Yuansu Liu Ji Liu Ji Bowen Tang Yin Tang Yin Bohu Mao Zedong Mao Zedong Runzhi Chiang Kai-shek Jiang Zhongzheng Jieshi
Kjelder
Denne artikkelen bygger på «Stilnavn» frå og «Courtesy name» frå , den 10. mai 2020.
Kategori:Kinesiske namnetypar Kategori:Vietnamesisk kultur Kategori:Koreansk kultur