«Open Arms» er ein song av det amerikanske rockebandet Journey. Han vart gjeven ut på singel frå filmusikkalbumet Heavy Metal og albumet deira Escape frå 1981. Songen vart skriven av Steve Perry og Jonathan Cain og er ein powerballade med ein tekst som omhandlar eit forsøk på å fornye eit skrantande forhold. Songen er ein av dei største hittane til bandet og nådde andreplassen på amerikanske Billboard Hot 100 i februar 1982 der han låg seks veker (bak «Centerfold» av The J. Geils Band og «I Love Rock 'n' Roll» av Joan Jett and the Blackhearts).
«Open Arms» er blitt spelt av mange andre artistar. Mariah Carey fekk ein hit med sin versjon av songen i 1996. Versjonen hennar nådde fjerdeplassen på britiske UK Singles Chart. Songen er òg blitt spelt av Barry Manilow, Boyz II Men og Celine Dion.
Journey si innspeling av «Open Arms» har blitt skildra som ein av dei beste kjærleikssongane skrivne nokon gong.«100 Greatest Love Songs». VH1. 2003. #4.«112 Greatest kjærleikssongs, ever!». Blender. #5. VH1 kåra songen til den beste powerballaden gjennom tidende.«25 Greatest Power Ballads» . Ep. 073. VH1. Henta 22. april 2011. Mike DeGagne i AllMusic skildra han som «ein av dei vakraste balladane i rocken», som «skin med ein ærlegdom og kjensle som berre Steve Perry kunne få til.»[ Journey: Escape]. AllMusic. Henta 1. juni 2020.
Medverkande Steve Perry – solovokal Neal Schon – sologitar, korvokal Jonathan Cain – klaverinstrument, rytmegitar, korvokal Ross Valory – bass, korvokal Steve Smith – trommer, perkusjon, korvokal
Salslister
Vekeslister Liste (1982)PlasseringAustralia (Kent Music Report)43Canada Adult Contemporary (RPM)2Canada Top Singles (RPM)2US Cashbox Top 100 1Liste (2009)PlasseringUK Singles (Official Charts Company)Chart Log UK - 1994–2010 - Jessie J – JX Zobbel.de 169
Årslister Liste (1982)PlasseringCanadian RPM Top Singles21US Top Pop Singles (Billboard)34U.S. Cashbox Top 100 21
Salstrofé
Mariah Carey-versjonen
Mariah Carey spelte inn sin versjon av songen i lag med Walter Afanasieff som produsent for det femte albume thennar, Daydream. Karrieren til Carey kryssa stiar med Journey fleire gonger. Trommeslagaren i bandet, Steve Smith, spelte trommer på mange av dei tidlege singlane hennar, og bassisten ein kort stund i 1980-åra, Randy Jackson, har arbeidd med Carey i lang tid.
Singelen kom ut som den tredje singelen frå albumet mellom seint i 1995 og tidleg i 1996 i dei fleste marknadane utafor USA. Han nådde fjerdeplassen på singellista i Storbritannia og vart framført live på Top of the Pops på BBC. Han nådde òg topp 10 i Irland og New Zealand, og 15. plassen i Nederland. Musikkvideoen til singelen var regissert av Larry Jordan og er eit konsertopptak av songen av Carey frå Madison Square Garden. Videoen for den spanske versjonen av songen, «El Amor Que Soñé», er òg eit opptak frå same konserten.
I Storbritannia selte singelen 105 000 eksemplar.Mariah Carey official top 20 biggest-selling songs in the UK MTV. retrieved: 1. juni 2020.
Salslister
Vekeslister Liste (1996)PlasseringEurope (European Hot 100 Singles)39Tyskland (Official German Charts)65Iceland (Íslenski Listinn Topp 40)14Poland (LP3)44
Årslister Liste (1996)PlasseringNederland (Nederlandsk Topp 40)161
Andre versjonar Countrysongaren Collin Raye gav ut ein versjon av «Open Arms» på samlealbumet sitt The Best of Collin Raye: Direct Hits i 1997. Versjonen hans nådde 70. plassen på Hot Country Songs det året. Ein versjon av songen kom ut på ei B-sidesamling av bandet Low, A Lifetime of Temporary Relief: 10 Years of B-Sides and Rarities. R&B-gruppa Boyz II Men spelte inn songen i 2009 for albumet Love. Daniel Evans framførte songen i finalen i The X Factor i Storbritannia i 2008 og gav han ut på eit album kalla No Easy Way i 2010. Celine Dion spelte inn ein versjon som kom ut på den japanske utgåva av albumet Loved Me Back to Life i 2013. Han var òg tilgjengeleg på CD-singelen av «Incredible» i 2014.
Kjelder
Denne artikkelen bygger på «Open Arms (Journey song)» frå , den 1. juni 2020.
Bakgrunnsstoff
Kategori:Songar frå 1981 Kategori:Singlar frå 1982 Kategori:Singlar frå 1995 Kategori:Singlar frå 1996 Kategori:Journey-songar Kategori:Songar skrivne av Steve Perry Kategori:Songar skrivne av Jonathan Cain Kategori:Rockeballadar Kategori:Mariah Carey-songar Kategori:Collin Raye-songar Kategori:Boyz II Men-songar Kategori:Celine Dion-songar Kategori:Songar produserte av Walter Afanasieff Kategori:Songar produserte av Mike «Clay» Stone Kategori:Columbia Records-singlar Kategori:Balladar frå 1980-åra Kategori:CBS Records-singlar Kategori:Sony Music-singlar