Waituna Lagoon ligg på sørkysten til Sørøya på New Zealand og dannar delar av våtmarka Awarua Wetland, ein Ramsarstad som vart oppretta i 1976.
Lagunen er eit viktig habitat for både stadbundne fuglar og flyttfuglar, og 73 ulike artar er oppdaga her. Den auka utbreiinga i lagunen av plantearten Leptocarpus som har vore observert gjennom ein 50-års periode, har vorte tilskrive kunstige opningar mellom lagunen og havet, og auka mengde sediment
Lagunen er i stor grad upåverka av menneskeleg aktivitet, men der er for høge næringsnivå og sedimentering, noko ein ottast vil føra til eutrofiering. Det har også vore oppblomstringar av potensielt giftige algar i lagunen.
Rekreasjonsbruk Waituna Lagoon er ein kjend stad for fiske og fuglejakt. Der er gode førekomstar av aure i lagunen og i tilførsleelvene, men der er ei fangstgrense på to fiskar per person per dag Fiskesesongen er frå 1. oktober til 30. april.
Der er godt utval av jaktbare fuglar i lagunen, med stokkender som den viktigaste arten. Av andre fugleslag det vert jakta på i sesongen er sigdskeiand (maori kuruwhengi), kanadagås (innført til New Zealand i 1905 for jakt, no sett på som ei uønska art), maorirustand (maori pūtangitangi) og svartsvane (som sjelden vert skoten på av jegrar)
Kjelder
Denne artikkelen bygger på «Waituna Lagoon» frå , den 8. juli 2020.
Bakgrunnsstoff http://www.waituna.org.nz , Environment Southland Awarua Wetland - Waituna Lagoon Department of Conservation https://www.wetlandtrust.org.nz/get-involved/visit-wetlands/wetlands-you-can-visit-in-the-southland-region/ National Wetland Trust of New Zealand
Kategori:Landform i Southland på New Zealand Kategori:Lagunar på New Zealand Kategori:Foveaux-sundet Kategori:Ramsarstader på New Zealand