Jakobstad (finsk Pietarsaari) er ein by og kommune i landskapet Österbotten i Finland. Kommunen har ein folkesetnad på 19 431, og eit areal på 122,9 km², der 87,8 km² er land. Jakobstad grensar til kommunane Nykarleby, Pedersöre og Larsmo.
Jakobstad er ein tospråklig kommune med svensk som majoritetsspråk (56,3 %) og finsk som minoritetsspråk.
Byen vart grunnlagd 1652 av Ebba Brahe, enke etter Jacob De la Gardie, som namnet Jakobstad kjem av. Det finske namnet på byen, Pietarsaari ('Petersøya'), er ei lydhermande omsetjing av namnet på omlandskommunen, Pedersöre.
Jakobstad har ein lang tradisjon innan skipsbygging og sjøfart. I sentrum av byen ligg ein botanisk hage, Skolparken. Nær parken ligg Skata, eit trehusområde med smale gater.
Den finske nasjonalskalden Johan Ludvig Runeberg var fødd i Jakobstad.
Venskapskommunar
Asker i Noreg Eslöv i Sverige Rudersdal i Danmark Garðabær på Island Jamestown i New York i USA Jūrmala i Latvia Söderhamn i Sverige
Galleri
Kjelder
Denne artikkelen bygger på «Jakobstad» frå , den 12. juli 2020.
Kategori:Busetnader grunnlagde i 1652 Kategori:Kommunar i Finland