mini|Eit flaskeskip mini|Nelson's Ship in a Bottle av Yinka Shonibare er ein 5 meter lang skulptur av eit flaskeskip som syner ein modell av flaggskipet til Horatio Nelson, HMS «Victory». Han er no ved National Maritime Museum i Greenwich. Flaskeskip eller flaskeskute er ein naturtru modell av ein båt (som regel eit seglskip), som er plassert inni ei glasflaske. Skipet er som regel vesentleg større enn diameteren på opninga til flaska.
Teknikk Skipet blir bygd utanfor flaska på ein slik måte at det kan foldast saman og førast gjennom flasketuten. Ein kan bruka ulike teknikkar for å gjera skuten samanleggbar. Til dømes kan master og rær vera hengsla, og trådar gå gjennom maste og skrog. Vel inne i flasken blir skipet folda ut til full storleik. Dette gjer ein ved å trekkja i trådarne som er forbunde med mastene, og dessutan ved bruk av heimelaga verktøy for å justera segl, lima fast trådar, kutta trådar osb.
Havet i flaska kan vera vindaugskitt som er farga med knust fargekrit eller oljemåling.
Flaskeskuter i Noreg Kløckers Hus i Arendal har ei utstilling av flaskeskip som omfattar 655 flasker, alle bygde av Kjell Birkeland (f. 1938). Birkeland oppgjev å ha bygd over 4 000 flaskeskuter i løpet av livet.
«Den norske Flaskeskuteforening av 1978» blei oppretta i 1978, men eksisterer ikkje lenger.
Kjelder
Denne artikkelen bygger på «Flaskeskute» frå , den 26. juli 2020.
Litteratur
Jorfald, Øivind S., Bygging av Flaskeskuter, Schibsted, Oslo, 1981, ISBN 82-516-0873-2 Kategori:Flasker Kategori:Hobbyar Kategori:Skipsmodellar
en:Impossible bottle#Ship in a bottle