Nils Holbek () var ein norsk redaktør, gardbrukar og politikar frå Holum i Vest-Agder. Han var stortingsrepresentant frå valkrinsen Vest-Agder for partiet Venstre frå 1937 til 1945.
Holbek var son til ein gardbrukar. Sjølv gjekk han amtsskulen 1900/01 og Framnes ungdomsskule i Hardanger 1902/03. Etter eit par år som handelsbetjent, dreiv han landhandel i tida 1910-21. Han var elles gardbrukar og frå 1922 til 1940 redaktør av bladet Samleren som kom ut i Mandal. Frå 1940 på ny kjøpmann i heimbygda.
Holbek var med i heradsstyret i Holum frå 1913 til 31, 1934-40 og frå 1945. Han var ordførar 1919-22, 1925-31 og frå 1945. Jamsides var han formann i forliksrådet frå 1929, elles engasjerte han seg i fråhaldsrørsla. Ved stortingsvalet 1936 fekk han plass på Stortinget, der han vart medlem i Veg- og jarnbanekomiteen.
Kjelder
Kategori:Stortingsrepresentantar for Vest-Agder Kategori:Stortingsrepresentantar frå Venstre Kategori:Stortingsrepresentantar 1937-1945 Kategori:Ordførarar i Holum Kategori:Venstreordførarar i Vest-Agder Kategori:Folk frå Mandal Kategori:Norske gardbrukarar frå 1900-talet