Brotherhood er det 11. studioalbumet til den amerikanske rockegruppa The Doobie Brothers. Albumet kom ut 15. april 1991 av Capitol Records. Det var det andre og siste albumet deira for Capitol. Det var òg det siste Doobie Brothers-albumet med bassisten Tiran Porter og den originale trommeslagaren John Hartman.

Fire av ti spor var skrivne av musikarar utafor bandet, men to av desse, låtskrivaren Jerry Lynn Williams og Jim Peterik frå Survivor samarbeidde med Tom Johnston og Patrick Simmons på somme av songane.

Albumet hadde ingen hitsinglar, men «Dangerous», som omhandla lidenskapen til Simmons for motorsyklar frå Harley-Davidson, nådde andreplassen på Hot Mainstream Rock Tracks-lista og vert framleis framført på konsertane deira. Johnston sin «Rollin' On» nådde 12. plassen på den same lista.

Albumet fekk dårleg kritikk og selde dårleg. Det nådde berre 82. plassen på den amerikanske albumlista då det kom ut, og bandet vart droppa av Capitol. Tiran Porter slutta i bandet for å satse på ein kort solokarriere, då han var frustrert over at songane hans ikkje vart godtekne av bandet, medan John Hartman trekte seg heilt frå musikkindustrien. Dei to tidlegare medlemmane, trommeslagaren Keith Knudsen og gitaristen John McFee, vart henta inn som erstattarar. Dei neste ni åra spelte dei derimot berre konsertar og gav ikkje ut fleire studioalbum før Sibling Rivalry i 2000.

Innhald

Medverkande The Doobie Brothers Tom Johnston - gitar, vokal Patrick Simmons - gitar, vokal Tiran Porter - bass, vokal John Hartman - trommer Michael Hossack - trommer, perkusjon

Andre musikarar Steve Canali - slidegitar Jimi Fox - perkusjon Dale Ockerman - klaverinstrument Richard Bryant - korvokal Vicki Randle - korvokal

Produksjon Produsent og lydteknikar – Rodney Mills Assisterande produsent – Kathy Neslon Lydteknikar – Devon Rietveld Miksing – Rodney Mills og Chris Lord-Alge Innspelt og miksa i The Record Plant (Sausalito, CA); Spor 4 spelt inn og miksa i Image Recording Studios (Hollywood). Mastering av Bob Ludwig i Masterdisk (New York i NY). Design – John Kehe Fotografi – Peter Darley Miller Foto på framsida – Robert Doisneau Kunstnarisk leiar – Tommy Steele Management – Bruce Cohn Turnémanager – Tim McCormick

Salslister Album ÅrListePlassering1991The Billboard 20082

Singlar ÅrSingelListePlassering1991«Dangerous»Mainstream Rock Tracks21991«Rollin' On»Mainstream Rock Tracks12

Kjelder

Denne artikkelen bygger på «Brotherhood (The Doobie Brothers album)» frå , den 7. november 2020. oppgav desse kjeldene:

Kategori:Musikkalbum frå 1991 Kategori:The Doobie Brothers-album Kategori:Album produserte av Rodney Mills Kategori:Capitol Records-album