Patrick Scott () var ein irsk kunstnar.
Patrick Scott blei fødd i Kilbrittain i County Cork i 1921. Han hadde si fyrste utstilling i 1944, men utdanna seg som arkitekt og blei ikkje kunstnar på fulltid før 1960. Han arbeiddde i femten år for den irske arkitekten Michael Scott, og var mellom anna med på å teikna Busáras, den sentrale busstasjonen i Dublin. Han hadde også ansvaret utsjånaden til irske intercity-tog.
Scott var kanskje mest kjend for sine «gullmåleri», abstrakte bilete med geometriske former i bladgull mot ein bleik temperabakgrunn. Han laga også biletvev og teppe, mellom anna for Bank of Ireland, Europaparlamentet i Strasbourg og St. Paul's School i London.
Måleria hans er del av fleire viktig samlingar, som Museum of Modern Art i New York. Han vann Guggenheim-prisen i 1960 og representerte Irland ved Venezia-biennalen i 1960. Douglas Hyde Gallery heldt ei stor retrospektiv utstilling av verket hans i 1981, og Hugh Lane Gallery i Dublin heldt ein større utstilling i 2002.
I oktober 2013 gifta Scott seg med partneren sin gjennom 30 år, Eric Pearce, i ein sivil seremoni ved Dublin Registry Office.
11. juli 2007 blei Scott, som ein av grunnleggjarane av Aosdána, gjeven tittelen saoi, den høgaste æra ein irsk kunstnar kan få. Presidenten av Irland, Mary McAleese, utførte utnemninga. Ikkje meir enn sju levande personar kan ha denne æra til ei kvar tid."Patrick Scott honoured at Aosdána ceremony" . RTÉ. 11. juli 2007.
Scott døydde 14. februar 2014, 93 år gammal.
I samband med hundreårsjubileet for fødselen hans, i 2021, gav det irske postvesenet An Post ut frimerke til minne om Scott. Dei viste verka hans Meditation 28 og Gold Painting 21.
Verk i samlingar Dublin City University: Sea Foam Hugh Lane Municipal Gallery of Modern Art, Dublin Gulf Oil Corporation, Pittsburg Ulster Museum, Belfast The Museum of Modern Art, New York Irish Museum of Modern Art, Dublin Trinity College, Dublin National University of Ireland, Galway
Kjelder
Denne artikkelen bygger på «Patrick Scott (artist)» frå , den 20. januar 2021.
Bakgrunnsstoff Aosdána biographical note IACI O'Malley Art Award presented to Patrick Scott
Kategori:Irske kunstnarar Kategori:Kunstnarar frå 1900-talet Kategori:Kunstnarar frå 2000-talet Kategori:Saoithe Kategori:Folk frå County Cork