Jennifer Lynn López, også kjend som J. Lo, () er ein amerikansk skodespelar av puertorikansk opphav. Ho har òg markert seg som songar, motedesignar og dansar.

Tidleg liv og oppvekst Lopez er fødd og oppvaksen i Castle Hill, eit nabolag i Bronx i New York. Foreldra hennar kjem frå Puerto Rico, og faren, David Lopez, er ein dataspesialist og mora, Guadalope, er ein førskulelærar. Ho har to søstrer som heiter Lynda og Leslie. Lopez vart oppdregen som katolikk. Ho gjekk på Preston High School, ein katolsk jenteskule i Bronx. Ho ville følgja ein stor draum, og forlét derfor mora og faren då ho var 18 år. Ho fekk jobb i eit advokatfirma og tok dansejobbar på kvelden og natta, og var samtidig heimlaus i ein liten periode.

Karriere Starten av karrieren hennar byrja med ei lita rolle i filmen My Little Girl i 1987. I 1991 fekk ho jobb som dansar i komedieprogrammet In Living Color, der dansarane i programmet vart kalla «Fly girls». I 1993 forlét ho programmet, og vart mellom anna bakgrunnsdansar for Janet Jackson i musikkvideoen That's The Way Love Goes. Etter kvart fekk ho fleire småroller og nokre få hovudroller i filmar, mellom anna med Jack Nicholson i filmen Blood and Wine og med Robin Williams i filmen Jack. Ho var vald ut til hovudrolla som avdøde tejano-songaren Selena Quintanilla-Pérez i filmen Selena i 1997, etter ein audition. Då tok karrieren hennar av. Dette er den mest minneverdige filmen hennar gjennom karrieren hennar, som gav henne ein Golden Globe-nominasjon for beste kvinnelege hovudrolle i ein film.

Ho heldt fram filmkarrieren sin, men fekk i 1999 ein platekontrakt i Epic Records. Det første albumet hennar heitte On The 6 og hadde 2 store hiter dette året: «If You Had My Love», som låg på førsteplass på topplistene i fleire land, og «Waiting For Tonight». Ho er den første og einaste kvinna som toppa listene samtidig i USA med eit album og ein film, med albumet J.Lo og filmen The Wedding Planner i 2001. Jennifer Lopez har gitt ut 8 studioalbum og 3 samlealbum. Ho har andre hittar som «Love Don't Cost a Thing», «Jenny From The Block», «I'm Real (Murder Remix)» og «On The Floor». «On The Floor», som kom ut i 2011, låg på førsteplass på hitlistene i 26 land.

Ho var på den første turneen sin i Nord-Amerika med den dåverande ektemannen sin Marc Anthony i 2007. Første verdsturné var i 2012, og det året gav ho òg ut eit Greatest Hits-album kalla Dance Again... The Hits. I 2016 starta ho sin første residency show i Las Vegas, same som ein konserturne, men berre i eit lokale. Artistar som Mariah Carey, Britney Spears, Céline Dion og Shania Twain har òg sine eigne residency shows i Las Vegas.

Ho har vore med i ei rekkje reklamekampanjar, og vore framsidejente for blad som Cosmopolitan, Marie Claire og Seventeen. Ho har sitt eige klesmerke, J.Lo, og har late fleire parfymar bli utvikla for merket sitt, mellom anna «Glow By J.Lo», «Still», «Miami Glow», «Live», «Deseo», «Deseo Forever» og «Live Blue». Desse har selt over 100 millionar tilsaman verda over. Ho har vore kåra til årets mest sexy kvinne i fleire magasin.

I den seinare karrieren hennar har ho vore dommar i songkonkurransen American Idol (2011-2012, 2014-2016), talentkonkurransen Q'Viva! The Chosen (2012) og i dansekonkurransen World Of Dance (2017). I 2016-2017 hadde ho ei hovudrolle i 2 sesongar i krim- og dramaserien Shades Of Blue. Ho har produsert fleire tv-konsept, mellom anna familedramaserien The Fosters.

Ho har fått fleire prisar og utmerkingar for karrieren sin, mellom dei stjerne nr. 2500 i songkategorien i Hollywood Walk of Fame i 2013 og var den første kvinna til å vinna ein ikon-pris på Billboard Music Awards i 2014.

Filmografi

1987: My Little Girl 1993: Lost In The Wild 1995: My Family 1995: Money Train 1996: Jack 1996: Blood and Wine 1997: Selena 1997: Anaconda 1997: U Turn 1998: Out of Sight 1998: Antz (berre stemme) 2000: The Cell 2001: The Wedding Planner 2001: Angel Eyes 2002: Enough 2002: Maid in Manhattan 2003: Gigli 2004: Jersey Girl 2004: Skal Vi Dansa 2005: Svigermonster 2005: An Unfinished Life 2006: Bordertown 2007: El Cantante 2010: The Back up Plan 2012: What to Expect When You're Expecting 2012: Istid 4: Kontinent På Avveie (berre stemme) 2013: Parker 2014: Home (berre stemme) 2015: The Boy Next Door 2015: Lila & Eva 2016: Istid: På Kollisjonskurs (berre stemme)

Plateutgjevingar

1999 – On the 6 2001 – J.Lo. 2002 – J To Tha L-O!: The Remixes (remix album) 2002 – This is me... then 2003 – The Reel me (DVD med musikkvideoar) 2005 – Rebirth 2007 – Como Ama Una Mujer 2007 – "Brave" 2011 – "Love?" 2012 – "Dance Again... The Hits" (Samlealbum med hennes beste hit si) 2014 – "A.K.A" 2024 – "This Is Me... Now"

Singlar

1999 - If You Had My Love 1999 - No Me Ames (duett med Marc Anthony) 1999 - Waiting For Tonight 2000 - Feeling So Good (featuring. Fat Joe & Big Pun) 2000 - Leit's Get Loud 2001 - Love Don't Cost a Thing 2001 - Play 2001 - Ain't It Funny 2001 - I'm Real 2001 - I'm Real (Murder Remix) (featuring. Ja Rule) 2002 - Ain't It Funny (Murder Remix) (featuring. Ja Rule) 2002 - Alive 2002 - I'm Gonna Be Alright (Track Master si Remix) (featuring. Nas) 2002 - Jenny From The Block (featuring. Jadakiss & Vert styla) 2003 - All I Have (featuring. LL. Cool. J) 2003 - I'm Glad 2003 - Baby I Love You 2005 - Get Right 2005 - Hold You Down (featuring. Fat Joe) 2006 - Qué Hiciste 2007 - Me Haces Falta 2007 - Do It Well 2008 - Hold It Don't Drop It 2009 - Louboutins 2011 - On The Floor (featuring. Pitbull) 2011 - I'm Into You (featuring. Lil Wayne) 2011 - Papi 2012 - Dance Again (featuring. Pitbull) 2012 - Goin' In (featuring. Flo Rida) 2013 - Live It Up (featuring. Pitbull) 2014 - I Luh Ya Papi (featuring. French Montana) 2014 - First Lóve 2014 - Booty (featuring. Iggy Azaela) 2015 - Feel The Light 2016 - Ain't Your Mama 2016 - Love Vert maka The World Go Around (featuring. Lin-Manuel Miranda) 2016 - OlvÎdame y Pega La Vuelta (Duet med Marc Anthony) 2016 - Chegaste (Duet med Roberto Carlos) 2017 - Ni Tú Ni Yo (feat. Gente dei Zona) 2017 - Amor, Amor, Amor (feat. Wisin) 2018 - Us

Samarbeid med andre artistar

2001 - "El Ultimo Adios (The Last Goodbye)" - Varierande artistar til minne om 9/11 2001 - "What's Going On" - Varierande artistar mot Aids 2006 - LL Cool J - "Control Myself" (featuring. Jennifer Lopez) 2008 - Santana - "This Boy's Fire" (feauring. Jennifer Lopez) 2011 - Will.i.am - "T.H.E. (The Hardast Evar)" (featuring. Jennifer Lopez & Mick Jagger) 2012 - Wisin & Yandel - "Follow the Leader" (featuring. Jennifer Lopez) 2013 - Flo Rida - "Sweet Spot" (featuring. Jennifer Lopez) 2013 - Andrea Bocelli - "Quizás, Quizás, Quizás" (featuring. Jennifer Lopez) 2014 - Wisin - "Adrenalina" (featuring. Ricky Martin & Jennifer Lopez) 2014 - Ricky Martin - "Adrenalina (Spanglish Version)" (featuring. Wisin & Jennifer Lopez) 2014 - Pitbull - "We Are One (Ol Ola)" (featuring. Jennifer Lopez & Claudia Leitte) 2014 - Fat Joe - "Stressin" (featuring. Jennifer Lopez) 2015 - Prince Royce - "Back It Up" (featuring. Jennifer Lopez & Pitbull) 2015 - Álvaro Solar - "El Mismo Sol" (featuring. Jennifer Lopez) 2015 - Jason Derulo - "Try Me" (featuring. Jennifer Lopez) 2016 - "Hands" - Varierande artistar for Orlando Det er fleire samarbeid som ikkje er gjevne ut som singlar.

Kjelder

Denne artikkelen bygger på «Jennifer Lopez» frå , den 6. november 2021.

Bakgrunnsstoff

Kategori:Folk frå New York City Kategori:USA-amerikanske dansarar Kategori:USA-amerikanske skodespelarar Kategori:USA-amerikanske songarar Kategori:Fødde i 1969