Åsa Natacha Linderborg () er ein svensk historikar, forfattar, kulturskribent og kulturredaktør.

Biografi Linderborg er oppvaksen i Västerås som dotter av metallarbeid Leif Boris Andersson og Tanja Linderborg. Mora var riksdagsrepresentant for Vänsterpartiet gjennom fleire periodar. Då Åsa var fire år gammal, i 1972, vart ho overlaten til faren sin.

Ho vart med i Vänsterpartiet Kommunisterna som tolvåring i 1980 og året etterpå i Kommunistisk Ungdom. I 1987 vart ho ombodsmann for Kommunistisk Ungdom i Mälardalen. Linderborg har i det siste òg hatt lokale tillitsoppdrag for Vänsterpartiet i Uppsala kommune.

Linderborg tok filosofisk doktorgradeksamen ved historisk institutt ved Uppsala universitet i 2001 med avhandlinga: Socialdemokraterna skriver historia: Historieskrivning som ideologisk maktressurs, om dei svenske sosialdemokratane si historieskrivning.

Linderborg var ein sterk kritikar av invasjonen av Irak i 2003 og av at av koalisjonsstyrkane vart ståande i landet. Ho har halde fram med å uttrykkja støtte for dei irakiske opprørarane, som ho vurderer som ei legal motstandsrørsle.

10. juli 2007 var ho sommarpratar i Sveriges Radio P1.

I 2007 kom Linderborgs første skjønnlitterære bok, ei sjølvbiografisk barndomsskildring, ut: Mig äger ingen (Norsk tittel: Meg eier ingen). Boka, som krinsar rundt oppveksten til Lindeborg i Västerås med ein alkoholisert far, fekk stor merksemd og vart nominert til Augustpriset. Det förste året selde boka i 270.000 eksemplar, og ho vart filmatisert i 2013.

Linderborg vart i 2009 kulturredaktør i avisa Aftonbladet.

I 2020 gav Linderborg ut boka Året med 13 månader. En dagbok, som er ei dagbok der ho både skriv om privatlivet sitt og reflekterer over #metoo-bølgja, som ho vurderte frå posisjonen sin som kulturredaktør i Aftonbladet. Ho uttrykkjer kritikk mot #metoo-rørsla, som ho meiner var prega av eit flokkinstinkt der presseetikk og redaksjonell leiing forsvann.

Linderborg er med i radioprogrammet Norsken, svensken og dansken, som vert sendt i Noreg, Sverige og Danmark.

Prisar og utmerkingar

Hedenvind-plaketten 2009 Ivar Lo-Johanssons personliga pris 2008 Neshornet, Klassekampens kulturpris 2008 Lundequistska bokhandelns litteraturpris 2007 for Mig äger ingen BMF-plaketten 2007 ABF:s litteraturpris 2007

Bibliografi

Svenske utgjevingar

Socialdemokraterna skriver historia – historieskrivning som ideologisk maktresurs 1892–2000, Atlas, Stockholm 2001, Bilden av Sveriges historia – fyrtio sätt att se på 1900-talet (tillsammans med Marika Hedin och Torbjörn Nilsson), Wahlström & Widstrand, Stockholm 2005, Det är rätt att göra motstånd – kriget och terrorn från Bush till Bodström (tillsammans med Erik Wijk), Karneval, Stockholm 2006, Mig äger ingen, Stockholm : Atlas, 2007, Håll med eller håll käft – Artiklar i samförståndets tid', Atlas, 2008, Populistiska manifestet – för knegare, arbetslösa, tandlösa och 90 procent av alla andra, Natur & kultur 2018 (tillsammans med Göran Greider), Året med 13 månader – En dagbok , Polaris 2020,

Norske utgåver

Meg eier ingen, Gyldendal 2008 Året med 13 måneder, Gyldendal 2020 ISBN 9788205540675

Referansar

Denne artikkelen bygger på «Åsa Linderborg» frå , den 28. november 2021.

Kategori:Svenske forfattarar Kategori:Folk frå Västerås