Vitalij Kryvytskyj () er sidan 30. april 2017 katolsk biskop for bispedømet Kiev–Zjytomyr, som omfattar den ukrainske hovudstaden og tilgrensande område.
Familien hans er av polsk opphav, men har i generasjonar vore heimehøyrande i Odessa i Sør-Ukraina.
Kryvytskyj starta arbeidet sitt i den katolske ordenen Salesianarane av Don Bosco i 1989. Han byrja i teneste for Den katolske kyrkja i 1991 og blei ordinert til prest i 1997 etter utdanning ved katolske seminar i Kviterussland og Polen (Hrodna, Kraków, Lublin). Same året vende han tilbake til Ukraina og heldt fram med arbeidet innan Salesianar-ordenen, mellom anna med teneste som ungdomsprest i Odessa, Zjytomyr og Lviv.
30. april 2017 blei Kryvytskyj utnemnd som biskop av Kiev-Zjytomyr av pave Frans. 24. juni same året blei han ordinert til denne tenesta av erkebiskop Claudio Gugerotti.
Kjelder
Bakgrunnsstoff Catholic-Hierarchy.org Kategori:Katolske biskopar