Marie Octavia Nielsen Hauge () var ein norsk målar.
Familie Marie Hauge var fødd i Drammen som dotter av kjøpmannen Hans Thulin Nielsen Hauge (1830-1892) og Emilie Ziegler (1828-1879). På farssida var ho i slekt med lekpredikanten og industrigründeren Hans Nielsen Hauge. Ho var einsleg heile livet.
Liv og virke
mini|Husmannsfolk på hjemveien, 1896 mini|Fjellandskap med kyr, 1898 mini|Portrett av Aasta Hansteen, 1903
I perioden 1888–1896 blei Marie Hauge undervist av mange anerkjende kunstnarar, som Hans Heyerdahl, Eilif Peterssen, Erik Werenskiold, Sven Jørgensen og Harriet Backer. Backer blir omtalt som den mest innverknadsrike. Marie Hauge hadde også mange utanlandsopphald som var sentrale for inspirasjonen hennar. Tidleg på 1900-talet var ho i Paris (1903–1907), der ho var elev ved Académie Colarossi og Académie des Beaux-Arts. Her lærte ho òg anatomi.
Hauge debuterte på Drammens Kunstforening i 1890 og hadde deretter ei rekke utstillingar, både separatutstillinger og deltaking i kollektivutstillingar. Ho hadde si fyrste separatutstilling ved Blomqvist i 1901. Ved sida av måleria sine, laga ho òg nokre statuettar og relieff i små format. På Haustutstillinga i 1905 deltok ho som bilethoggar.
Marie Hauge er representert i Nasjonalgalleriet med to bilde: Et fjellandskap frå 1898 og Husmannsfolk på hjemveien. Ho måla òg altertavla til Øre kyrkje i 1906, der motivet er Jesus i Getsemane. Portrettet hennar av Aasta Hansteen (1902, Drammens Kunstforening Faste Galleri) blir rekna som eit hovudverk.
Hauge var aktiv i kvinnesaksrørsla som medlem av Norsk Kvinnesaksforening og Kvindestemmeretsforeningen. Ho teikna vignetten i Nylænde med solsikke som blei brukt frå 1901.
Stipend, reiser og utanlandsopphald
1896: Finnes legat. 1896: Studiereiser Frankrike og Belgia 1897: Studiereise, Stockholm 1900-1902: Studieopphald i Italia 1903-1906: Studieopphald i Paris 1907: Studieopphald i Paris 1911: Studieopphald i Italia 1914: Studieopphald i Paris 1920: Studieopphald på Sicilia 1921: Studiereiser til Frankrike, Tunisia, Algerie, Marokko, Egypt Opphald i London Opphald i Sveits
Offentlege arbeider
Utsmykkingar og verk i offentlege samlingar
Portrett av rektor Marius Nygaard, Drammens offentlige høyere almenskole 1912 Portrett av fru Evenstad, Stor-Elvdal kapell, Opphus Nasjonalgalleriet, Oslo Bergen Billedgalleri Lillehammer Bys malerisamling Drammens Kunstforening Faste Galleri Haugesund Billedgalleri Skiens Faste Galleri Oslo Bymuseum Nationalmuseum, Stockholm Oslo kommunes kunstsamlinger
Separatutstillingar
1901: Blomqvists Kunsthandel, Kristiania 1908: Blomqvists Kunsthandel, Kristiania 1909: Bergens Kunstforening 1911: Kunstnarforbundet, Kristiania 1916: Kunstnarforbundet, Kristiania 1921: Kunstnarforbundet, Kristiania
Kjelder
Denne artikkelen bygger på «Marie Hauge» frå , den 16. mars 2022.
Kategori:Folk frå Drammen Kategori:Kvinnelege målarar Kategori:Norske målarar Kategori:Målarar frå 1900-talet Kategori:Målarar frå 1800-talet