mini|Oversiktskart med dei større øyane i gruppa. mini|Den filippinske provinsen Sulu, sentralt i Suluøyane.

Suluøyane er ei øygruppe som høyrer til Filippinane, med Basilan og Sulu som dei to største øyane. Øyane ligg like sør for Suluhavet og nord for Celebeshavet.C.Michael Hogan. 2011. "Celebes Sea". I P. Saundry & C. J. Cleveland (red.). Encyclopedia of Earth. National Council for Science and the Environment. Washington, D.C. Dei er ein del av den større øygruppa Mindanao, og omfattar provinsane Basilan, Sulu og Tawi-Tawi. Øygruppa blir derfor av og til omtalt som Basulta, avleidd frå fyrstestaving til kvart provinsnamn. Det totale arealet til øygruppa er på 3 861 kvadratkilometer.

Øyane er danna av ein undervassrygg som er blitt løfta opp gjennom vipping av ei jordskorpeplate. Basilan, Jolo, Tawitawi og andre øyar i gruppa er utdøydde vulkanar frå sørdelen av ryggen. Øyrekkja dannar ei viktig migrasjonsrute for fuglar.

Fram til 1917 utgjorde Suluøyane eit sjølvstendig sultanat, Sultanatet Sulu, som på 1700-talet også kontrollerte den større øya Palawan i nord, nordaustlege delar av Borneo og Zamboangahalvøya på Mindanao.

Dei største kommunane i området ligg på øya Jolo. Urfolksgrupper på øyane er tausugfolk og ulike grupper samalfolk (eller samafolk). Tausug er eit utbreidd språk i øygruppa, både som fyrste- og andrespråk. Yakan er eit utbreidd språk på Basilan. Det blir også tala fleire dialektar av sinama i heile øygruppa, frå Tawi-Tawi-øyane til Mapun-øyane, kysten av Mindanao og vidare.

Geografi

Øygruppa kan delast inn i fleire mindre grupper, for det meste rundt hovudøyane Basilan, Jolo og Tawi-Tawi. Det finst også andre grupper.

Basilangruppa

Basilan Pilas

Jologruppa

Capual Jolo island Pata Tongquil

Keenapusangruppa

Laparangruppa

Deatoboato Cap Laparan Dog Can Pearl Bank (atoll)

Pangutarangruppa

Kulasssein Panducan Pangutaran

Sibutugruppa

Andulinang Mardanas Omapoy Panguan Sibutu Sitangkai

Tapulgruppa

Lapac Lugus (Bulipongpong) Siasi Tapul

Tawi-Tawi-gruppa

Bongao Manuk Mankaw Simunul Sanga-Sanga Tawitawi Topaan

Andre

Mapun (tidlegare Cagayan de Tawi-Tawi/Cagayan de Sulu) Taganak (Turtle Islands)

Kjelder

Denne artikkelen bygger på «Suluøyene» frå , den 28. juli 2022.

Denne artikkelen bygger på «Sulu Archipelago» frå , den 28. juli 2022.

Kategori:Øyar i Stillehavet Kategori:Øyar i Filippinane Kategori:Mindanao Kategori:Sulu Kategori:Tawi-Tawi