Lise Barbra Skappel Fjeldstad () er ein norsk skodespelar og instruktør.
Fjelstad er fødd i Oslo som dotter av kapellmeister Øivin Fjeldstad (1903–1983) og Julie Antoinette Skappel (1910–1996). Ho blei tilsett ved Nationaltheatret i 1975.
Skodespelarkarriere Lise Fjeldstad gjekk ut av Statens Teaterhøgskole i 1963. Same året blei ho tilsett ved Det Norske Teatret. Der spelte ho roller som Desdemona i Othello i 1966, Ragnhild i Medmenneske av Olav Duun i 1967 og Hedda Tesmann i Hedda Gabler i 1971. Ho var tilsett ved dette teateret frå 1963 til 1971 og igjen frå 1974 til 1975 Frå 1971 til 1974 var ho tilsett ved Fjernsynsteatret, der ho tolka roller som Maja Rubeck i Naar vi døde vaagner, Ljoba Andrejevna i Kirsebærhaven og Nora i Et Dukkehjem, alle i 1973.
I 1975 blei Fjeldstad tilsett ved Nationaltheatret. Der spelte ho mellom anna spelt Blanche i En sporvogn til begjær (1975), Agnes i Brand (1978), tittelrolla i Friedrich Schillers Maria Stuart (1986), Martha i Hvem er redd for Virginia Woolf? (1988), Helene Alving i Gengangere (1993), mora i Draum om hausten (1999) og Den eldre kvinna i Svevn (2005).
Lise Fjeldstad har iscenesett fem oppsetningar av Reisen til Julestjernen på Nationaltheatret, og dessutan Dansetimen av Astrid Saalbach i 1987 og Til Julia av Margareta Garpe i 1989, begge på Nationaltheatret. I tillegg stod ho for iscenesettinga av Fru Inger til Østråt ved Riksteatret og Gengangere ved Teater Ibsen, begge i 2000. I 2001 iscenesette ho Yasmina Reza si Livet × 3 ved Den Nationale Scene i Bergen. Ho har òg vore instruktør og programansvarleg for fem 17. mai-festmatinear. I 2002 iscenesette ho Ettermiddag av Jon Fosse på Riksteatret, og dessutan Medmennesket av Olav Duun ved Rogaland Teater. I 2004 iscenesette ho Den 25. timen av P.O. Enquist ved Det Norske Teatret og Riksteatret.
I 2006 spelte ho rolla som Johanne Paus, farmora til Henrik Ibsen, i NRK-miniserien En udødelig mann, som handlar om barndommen og ungdommen til Ibsen. Lise Fjeldstad har òg vore å sjå i ei rekke filmar og fjernsynsdrama. Ho er medlem av Det Norske Akademi for Språk og Litteratur og styremedlem i PLAN Norge. Bror til Lise Fjeldstad er næringslivsmannen og politikaren Øivin Skappel Fjeldstad. Lise Fjeldstad var sambuar med skodespelaren Per Sunderland.
Film og fjernsyn ÅrTittelRolleMerknad2008HvalerLiv HansenTV-serie2007Størst av altBeate RøstTV-miniserie2006En udødelig mannFarmor Johanne PausMiniserie2006MirakelFru EekFilm1993FortunaWenche Knorr LøvdahlMiniserie1988Borgen skoleVeraTV-serie1985Dragens fangeTyraFilm1985Soldatene synger ikke lengerHildaTV1985Galskap!MarianneFilm1985Brennende blomsterRosaFilm1985The Last Place on EarthFru NansenMiniserie1981Liten IdaIdas morFilm1977DagnyDagny Juel-PrzybyszewskaFilm1973KirsebærhavenLjubov AndrejevnaTV1973Når vi døde vågnerMaja RubekTV1973Et dukkehjemNora HelmerTV1970AntigoneIsmeneTV1969KlabautermannenIngerFilm1968Hilsen fra BerthaBerthaTV1968Lille EyolfAasta AlmersTV1966AfrikanerenElinFilm1966SultLiten pikeFilm1964MarencoBitten RojansenFilm1964Hallo Vikings!HunKortfilm
Prisar og utmerkingar
Kommandør med stjerne av St. Olavs Orden 2014«Forfremmelse i St. Olavs Orden», kongehuset.no, 29. april 2014. Gammleng-prisen, veteranprisen 2012 Oslo bys kulturpris 2008 Herman Wildenveys Poesipris 2006 Ibsen Centennial Award 2006 Henrik Ibsens Jubileumspris 2003 Heddaprisen 2006 Aase Byes Ærespris 2001 Kritikerprisen for Fru Alving i Gengangere (1993) Ridder av 1. klasse av St. Olavs Orden (1993) «for fortjeneste av norsk scenekunst.» Radioteatrets pris «Den Blå Fugl» 1992 Per Aabels Ærespris (1992) Amanda for beste kvinnelige hovedrolle i Dødsdansen for NRK-TV (1991) Guldbaggen – for beste kvinnelige hovedrolle i Liten Ida (1982) Medlem av Det Norske Akademi for Sprog og Litteratur
Kjelder
Denne artikkelen bygger på «Lise Fjeldstad» frå , den 20. november 2022.
Kategori:Skodespelarar frå Oslo Kategori:Vinnarar av Heddaprisen Kategori:Norske teaterinstruktørar Kategori:Medlemmar av Det Norske Akademi Kategori:Skodespelarar ved Det norske teatret Kategori:Skodespelarar ved Nationaltheatret